تازالىق ءىس-شاراسىنا 87 مەكەمەدەن 1650 ادام قاتىسىپ, 15 ارنايى تەحنيكا جۇمىلدىرىلدى. ناتيجەسىندە 27 توننا قوقىس شىعارىلىپ, قالانىڭ بىرنەشە اۋماعى تولىقتاي رەتكە كەلتىرىلدى.
بۇل كۇنى الەۋمەتتىك, اكىمشىلىك, كاسىپكەرلىك نىسانداردىڭ اينالاسى, “شوشقالى ساي” ارناسى تازارتىلىپ, اعاشتاردىڭ ءدىڭى اكتەلدى. سونىمەن قاتار ستيحيالىق قوقىس ورىندارىنداعى تۇرمىستىق قاتتى قالدىقتار جويىلىپ, 2 ساياباققا تازالىق جۇمىستارى جۇرگىزىلدى.
“تازا قازاقستان” — تەك تازالىق ەمەس, تۇرعىنداردىڭ تابيعاتقا دەگەن جاۋاپكەرشىلىگىن ارتتىراتىن ماڭىزدى ەكولوگيالىق باستاما. بۇل — ءار ازاماتتىڭ قورشاعان ورتاعا دەگەن قامقورلىعى مەن ەلگە دەگەن جاناشىرلىعىنىڭ كورىنىسى.
سوندىقتان قالا اكىمدىگى سەنبىلىكتەرگە بەلسەندى اتسالىسقان بارلىق ازاماتتارعا العىس بىلدىرە كەلە «قورشاعان ورتانى تازا ۇستاۋ – ءاربىرىمىزدىڭ ورتاق مىندەتىمىز!» دەدى.
الماتى وبلىسى,
قوناەۆ قالاسى.
