فوتو: egemen.kz/ەرلان ومار
مينيسترلىكتىڭ مالىمەتىنشە, وتىنىشتەردى قابىلداۋ بيىل بەس اي بويى 31 تامىزدى قوسا العانعا دەيىن جالعاسادى. بيىل بولجام بويىنشا مەكتەپ تابالدىرىعىن 370 مىڭنان استام بالا اتتايدى.
«العاشقى ءۇش كۇندە 24 مىڭعا جۋىق ءوتىنىش كەلىپ ءتۇستى. ەڭ ۇلكەن بەلسەندىلىك استانا مەن تۇركىستان وبلىسىندا بايقالۋدا. اتا-انالاردىڭ شامامەن 70 پايىزى مەملەكەتتىك تىلدە وقىتۋدى تاڭدادى», دەلىنگەن قر وقۋ-اعارتۋ مينيسترلىگىنىڭ ورتا ءبىلىم كوميتەتىنىڭ حابارلاماسىندا.
ءوتىنىشتى ونلاين eGov.kz ەلەكتروندىق ۇكىمەت پورتالى ارقىلى نەمەسە eGov Mobile ءموبيلدى قوسىمشاسى, سونداي-اق قاعاز تۇرىندە-تىكەلەي مەكتەپتە بەرۋگە بولادى. وتىنىمدەر دەمالىس جانە مەرەكە كۇندەرىن قوسپاعاندا, دۇيسەنبىدەن جۇماعا دەيىن قابىلدانادى.
