قۇتتىقتاۋ سوزىندە مينيستر ەرسايىن ناعاسپاەۆ گەولوگتاردىڭ ەلىمىزدىڭ دامۋىنا قوسقان ولشەۋسىز ۇلەسىن, سونىڭ ارقاسىندا بيىلعى جىلى بارلانعان جەر قويناۋىنىڭ اۋدانى 2 ملن كم²-گە جەتكەنىن اتاپ ءوتتى.
«بيىل سىزدەردىڭ ەڭبەكتەرىڭىزدى باعالاپ, «ەڭبەك سىڭىرگەن گەولوگ» مەملەكەتتىك ناگراداسى العاش رەت تاعايىندالدى. بۇل قازاقستاننىڭ تابيعي رەسۋرستارىن زەردەلەۋ مەن ساقتاۋعا سانالى عۇمىرىن ارناعان مامانداردىڭ ەڭبەگىن باعالاۋداعى ماڭىزدى قادام», دەدى مينيستر.
سالانى دامىتۋعا قوسقان ۇلەسى مەن سىڭىرگەن ەڭبەگى ءۇشىن 28 مامان ماراپاتتارعا يە بولدى – ءىىى دارەجەلى «ەڭبەك داڭقى» وردەندەرى, «قۇرمەت» وردەنى, «قازاقستاننىڭ ەڭبەك سىڭىرگەن گەولوگتارى» قۇرمەتتى اتاعى, «ەرەن ەڭبەگى ءۇشىن» مەدالى, «ەڭبەك سىڭىرگەن گەولوگ» جانە «كەن ورنىن العاش اشۋشى» توسبەلگىلەرى.
ماراپاتتالعانداردىڭ قاتارىندا سالا ارداگەرلەرى, ق.ي. ساتباەۆ اتىنداعى قازاق ۇلتتىق زەرتتەۋ تەحنيكالىق ۋنيۆەرسيتەتى, ق.ي. ساتباەۆ اتىنداعى گەولوگيالىق عىلىمدار ينستيتۋتى, «گەولوگيالىق بارلاۋ كوللەدجى» كمقك, «قازاقمىس كورپوراتسياسى» جشس, «Geotek» جشس, «Qarmet» اق, «Professional Geo Solutions Kazakhstan», «ماڭعىستاۋمۇنايگاز» اق, «تسەنترگەولسەمكا» جشس, «باقىرشىق تاۋ-كەن كاسىپورنى» جشس جانە ت.ب. ماماندارى بولدى.
