جوبا 2018 جىلى قازاقستان مەن قىتاي ۇكىمەتتەرى اراسىنداعى عىلىمي-تەحنيكالىق ىنتىماقتاستىق تۋرالى كەلىسىم جانە قىتايدىڭ اۋىل شارۋاشىلىعى عىلىمدارى اكادەمياسى, سينتسزيان اگرارلىق ۋنيۆەرسيتەتى مەن س. سەيفۋللين اتىنداعى قازاتزۋ اراسىنداعى ءوزارا تۇسىنىستىك تۋرالى مەموراندۋم اياسىندا قۇرىلعان قازاقستان-قىتاي بيولوگيالىق قاۋىپسىزدىك زەرتحاناسىنىڭ بازاسىندا جۇزەگە اسىرىلادى.
قازاقستان مەن كورشىلەس ەلدەر ءۇشىن بۇل اۋرۋدىڭ وزەكتى ماسەلە بولىپ قالا بەرەتىنى اتاپ ءوتىلدى. ينفەكتسيالىق انەميا جىلقىلاردى, ەسەكتەردى جانە قاشىرلاردى زاقىمدايدى. قازاقستاندا جىلقى پوپۋلياتسياسى 4 ميلليون باستى قۇراسا, ورتالىق ازيادا 10 ميلليوننان اسادى.
قازىرگى ۋاقىتتا ەۋروپا مەن شىعىس ازيادان تىس جەردە جىلقىنىڭ ينفەكتسيالىق انەمياسى بويىنشا WOAH رەفەرەنس-زەرتحاناسى جوق. جوبا اياسىندا 2028 جىلعا دەيىن حاربين ۆەتەريناريا عىلىمي-زەرتتەۋ ينستيتۋتىنىڭ ماماندارى اگرارلىق ۋنيۆەرسيتەت وكىلدەرىن اۋرۋدى دياگنوستيكالاۋ مەن ەمدەۋدىڭ قاجەتتى بىلىمدەرى مەن داعدىلارىنا ۇيرەتەدى.
جوبا اياقتالعان سوڭ, قازاتزۋ جىلقىنىڭ ينفەكتسيالىق انەمياسىنا ISO 17025 ستاندارتى بويىنشا تەستىلەۋ جۇرگىزەتىن بولادى, بۇل زەرتحاناعا رەفەرەنس-زەرتحانا مارتەبەسىن الۋعا مۇمكىندىك بەرەدى.
حاربين ۆەتەريناريا ينستيتۋتىنىڭ وكىلدەرى ۋنيۆەرسيتەتكە جانۋارلاردىڭ ينفەكتسيالىق اۋرۋلارىن دياگنوستيكالاۋ بويىنشا اككرەديتاتسيا سەرتيفيكاتىن تابىستادى.
