فوتو: اقوردا
ەرسايىن ناعاسپاەۆتىڭ ايتۋىنشا, وتكەن جىلى ونەركاسىپ سالاسىندا نەگىزگى كاپيتالعا سالىنعان ينۆەستيتسيالار مەن وڭدەلگەن ونىمدەر ەكسپورتى ەڭ جوعارى ءوسىم كورسەتتى. بيىل وسى ءۇردىستى ساقتاپ, ءوندىرىس كولەمىن ارتتىرۋ جوسپارلانىپ وتىر.
پرەزيدەنتكە گەولوگيا, حالىقتى اۋىزسۋمەن قامتاماسىز ەتۋ جانە تسيفرلاندىرۋ باعىتتارىنداعى جۇمىستار جونىندە مالىمەت بەرىلدى. اتاپ ايتقاندا, جەر قويناۋىن پايدالانۋدىڭ بىرىڭعاي پلاتفورماسى ىسكە قوسىلدى. قالا قۇرىلىسى جوبالارى تسيفرلى جۇيەگە كوشىرىلدى. اۋىلداردا بىرىڭعاي كوممۋنالدىق تولەم جوباسىن ەنگىزۋ جوسپارلانىپ وتىر. جاساندى ينتەللەكت كومەگىمەن گەولوگيالىق ءبىلىم قورىن جاساقتاۋ قولعا الىندى.
كەزدەسۋ سوڭىندا پرەزيدەنت مينيسترگە ورتاشا جانە تەرەڭ وڭدەلگەن ءونىم كولەمىن ۇلعايتۋ, بيىل وتاندىق تاۋار وندىرۋشىلەردىڭ بىرىڭعاي رەەسترىن جاساقتاۋ, ينۆەستور تارتۋ جۇمىستارىن جانداندىرۋ جونىندە بىرقاتار تاپسىرما بەردى. مەملەكەت باسشىسى جوسپارلانعان تۇرعىن ۇيلەردى پايدالانۋعا بەرۋ, حالىقتى اۋىزسۋمەن بارىنشا قامتاماسىز ەتۋ, قۇرىلىس جانە تۇرعىن ءۇي-كوممۋنالدىق شارۋاشىلىعى سالالارىنداعى ۇدەرىستەردى تسيفرلاندىرۋ جۇمىستارىن بەلسەندى جۇرگىزۋ ماڭىزدى ەكەنىن اتاپ ءوتتى. بۇدان بولەك, ۆەدومستۆو باسشىسىنا وڭدەۋ ونەركاسىبى نىساندارىن ۋاقتىلى ىسكە قوسۋ تاپسىرىلدى. سونداي-اق جەر قويناۋىن پايدالانۋ سالاسىنداعى رەفورمالاردى مەرزىمىندە ءارى ساپالى اياقتاۋ مىندەتى جۇكتەلدى.
قاسىم-جومارت توقاەۆ وتاندىق تاۋار وندىرۋشىلەردى قولداۋ شارالارىنىڭ تيىمدىلىگىن ارتتىرۋدى قاتاڭ باقىلاۋعا الۋ قاجەتتىگىن ايرىقشا اتاپ ءوتتى.
