ماسەلەن, جۋىقتا كۇرشىم وزەنىندە تەرەكتى-بۇلاق اۋىلىنىڭ ماڭىندا پروفيلاكتيكالىق جارىلىس جۇمىستارى جۇرگىزىلدى. مۇز جارۋ 14040 شارشى مەتر اۋماقتا جۇزەگە اسىرىلدى. بۇل ەلدى مەكەندەردى سۋ باسۋ قاۋپىن ازايتۋعا مۇمكىندىك بەردى. جۇمىستاردىڭ قاۋىپسىزدىگىن قامتاماسىز ەتۋ ءۇشىن شقو تجد قۇتقارۋشىلار توبى جۇمىلدىرىلدى.
قازىرگى ۋاقىتتا وزەندەرگە تاۋلىك بويى مونيتورينگ جۇمىستارى جالعاسىپ جاتىر. التاي اۋدانىنا كەلگەن ق.قايسەنوۆ اتىنداعى 68303 اسكەري ءبولىمىنىڭ اسكەري قىزمەتشىلەرى سۋ تاسقىنىنا قارسى ءىس-شارالاردى قولعا العان. 50 مەتر ارىق جۇيەسى, كوپىر استى, 27 سۋ وتكىزۋ قۇرىلىستارى تازارتىلدى. 420-دان استام قاپ ينەرتتى ماتەريالمەن تولتىرىلدى.
ەلدى مەكەننىڭ قارى ەرىگەنىمەن تاۋ قارىنىڭ كوبەسى سوگىلە قويعان جوق. سوندىقتان قولعا الىنعان قاۋىپسىزدىك جۇمىستارى ءالى جالعاسادى.
