فوتو: ۆيدەودان الىنعان كادر
جارىلىس سالدارىنان 18 ادام قازا تاۋىپ, تاعى بىرنەشە ادام جاراقات العان.
زارداپ شەككەندەردىڭ كوپشىلىگى اۋىر كۇيىك العاندىقتان, قازا تاپقاندار سانى ارتۋى مۇمكىن. قۇتقارۋ جاساعى ونىڭ ىشىندە اۋدان اكىمدىگىنىڭ وكىلدەرى مەن ءورت سوندىرۋشىلەر ءۇيىندى استىنان مايىتتەردى شىعارىپ جاتىر.
بۇعان دەيىن جەرگىلىكتى بيلىك وقيعا ورنىنان 13 ءمايىت تابىلعانىن حابارلاعان ەدى.
«ناتيجەسىندە عيماراتتىڭ توبەسى تۇگەل وپىرىلدى. وقيعا ورنىنان 13 ادامنىڭ ءمايىتى شىعارىلدى. ۇيىندىلەردى تازالاۋ جۇمىستارى جۇرگىزىلىپ جاتقان كەزدە جاعدايدى باعالاۋدامىز. ءتورت ادام زارداپ شەكتى, ونىڭ ەكەۋى ديساداعى ازاماتتىق اۋرۋحاناعا, قالعان ەكەۋى پالامپۋرداعى ازاماتتىق اۋرۋحاناعا جونەلتىلدى», دەلىنگەن حابارلامادا.
