فوتو: اشىق دەرەككوز
قالالىق ءورت ءسوندىرۋ قىزمەتىنىڭ مالىمەتى بويىنشا, جارىلىس سالدارىنان 33 ادام جاراقات العان, ولاردىڭ 6-ى اۋرۋحاناعا جەتكىزىلگەن.
ايتا كەتەيىك, گاز قۇبىرى مەملەكەتتىك ەنەرگەتيكالىق كومپانيا Petronas-قا تيەسىلى.
ءورت Petronas گاز قۇبىرىنىڭ 500 مەترگە جۋىق ۋچاسكەسىن قامتىعان. قازىرگى تاڭدا اۆان تۇرعىن ءۇي اۋدانىنان ادامداردى ەۆاكۋاتسيالاۋ جۇمىستارى جۇرگىزىلىپ جاتىر.
شەنەۋنىكتە جاقىن ماڭايداعى Petronas جانارماي قۇيۋ ستانتسياسى زارداپ شەكپەگەنىن راستاپ, تەك نەگىزگى گاز قۇبىرى ورتەنىپ جاتقانىن مالىمدەگەن.
«گاز قۇبىرى جابىلدى, بىراق ءورت قالعان گاز تۇگەل جانىپ كەتكەنشە جالعاسا بەرەدى. ءورت بىرنەشە تۇرعىن ۇيلەرگە تارالعان, ازىرگە زاقىمدانعان عيماراتتاردىڭ ناقتى سانى بەلگىسىز», دەلىنگەن حابارلامادا.
