فوتو: ۇكىمەت
ءىس-شاراعا پرەمەر-ءمينيستردىڭ ءبىرىنشى ورىنباسارى رومان سكليار جانە قازاقستان رەسپۋبليكاسىنداعى قىتاي حالىق رەسپۋبليكاسىنىڭ توتەنشە جانە وكىلەتتى ەلشىسى حان چۋنلين قاتىستى.
ق.ي. ساتباەۆ اتىنداعى كانالدان استانا قالاسىنا دەيىن سۋ تارتقىش پەن №4 سورعى-سۇزگى ستانساسىنىڭ قۇرىلىسى – استانانى تۇراقتى ءارى ساپالى اۋىزسۋمەن قامتاماسىز ەتۋگە باعىتتالعان ستراتەگيالىق جوبا. سۋ تارتقىشتىڭ جالپى ۇزىندىعى – 203,06 شاقىرىم (ەكى جەلى) بولادى. جوبانى جۇزەگە اسىرۋ ارقىلى قالانىڭ كوممۋنالدىق ينفراقۇرىلىمىن جاڭعىرتۋعا, سۋ تۇتىنۋ كولەمى كوبەيسە سۇرانىسقا توتەپ بەرۋ جانە الەۋمەتتىك-ەكونوميكالىق دامۋدى ودان ءارى جەتىلدىرەدى.
«EPC-كەلىسىمشارتتى دايىنداۋ قازاقستاندىق جانە قىتايلىق تاراپتاردىڭ تىعىز ءوزارا ءىس-قيمىلى نەگىزىندە, جوبالاۋدىڭ حالىقارالىق ستاندارتتارىن, ەكولوگيالىق قاۋىپسىزدىك پەن قۇرىلىس تيىمدىلىگىن ساقتاي وتىرىپ جۇرگىزىلدى. قۇرىلىس جۇمىستارى 2025 جىلدىڭ ءساۋىر ايىندا باستالادى دەپ جوسپارلانىپ وتىر.
China Energy International Group جانە ونىڭ ەنشىلەس كومپانياسى China Gezhouba Group Company Ltd. الەمنىڭ ءتۇرلى وڭىرلەرىندە ءىرى ينفراقۇرىلىمدىق جانە ينجەنەرلىك جوبالاردى ىسكە اسىرۋدا مول تاجىريبەگە يە», دەلىنگەن ۇكىمەتتىڭ ءباسپاسوز قىزمەتى تاراتقان حابارلامادا.
