فوتو: ۇكىمەتتىڭ ءباسپاسوز قىزمەتى
قاراجات ەكىباستۇز, اقسۋ قالالارى اۋىلدىق وكرۋگىندەگى , سونداي-اق ەرتىس, جەلەزين, تەرەڭكول اۋدانىنداعى جوبالاردى جۇزەگە اسىرۋعا باعىتتالادى.
ەكىباستۇز اۋىلدىق وكرۋگىنىڭ بايەت اۋىلىندا 1983 جىلى پايدالانۋعا بەرىلگەن جالعىز فاپ ورنىنا فەلدشەرلىك-اكۋشەرلىك پۋنكت سالۋ جوسپارلانۋدا. ەسكى عيمارات جوندەۋگە جارامسىز دەپ تانىلدى. بۇگىندە ەلدى مەكەندە 822 ادام تۇرادى.
ەرتىس اۋدانىندا دارىگەرلىك امبۋلاتوريا اشىلادى. نىسان سانيتارلىق تالاپتار مەن نورمالارعا ساي جابدىقتالادى. اۋدانداعى مەديتسينالىق پۋنكت مىڭنان استام تۇرعانعا قىزمەت كورسەتەدى.
«قولدانىستاعى دەنساۋلىق ساقتاۋ نىساندارىنىڭ شالعاي ورنالاسۋىنا بايلانىستى مىڭكول, يۆانوۆكا جانە قۇركول اۋىلدارى دا جاڭا مەديتسينالىق نىساندار سالۋدى قاجەت ەتەتىن ەلدى مەكەندەر تىزىمىنە ەنگىزىلگەن. ولارعا ەڭ جاقىن اۋداندىق ەمحانا 18 شاقىرىمنان 115 شاقىرىمعا دەيىنگى قاشىقتا ورنالاسقان. اۋىلداردا تۇرعىلىقتى جەرى بويىنشا مەديتسينالىق قىزمەت كورسەتەتىن جاڭا مەديتسينالىق پۋنكتتەر سالىنادى», دەلىنگەن حابارلامادا.
پاۆلودار وبلىسىنىڭ ەلدى مەكەندەرىندە 168 مىڭنان استام تۇرعىن بار. جاڭا دەنساۋلىق ساقتاۋ نىساندارىن سالۋ جۇمىس ىستەپ تۇرعان ۇيىمدارعا تۇسەتىن جۇكتەمەنى ازايتىپ, حالىققا كورسەتىلەتىن مەديتسينالىق كومەكتىڭ ساپاسىن ارتتىرۋعا مۇمكىندىك بەرەدى.
