بايقاۋدا وزبەكستان, ازەربايجان ت.ب. ەلدەردەن كەلگەن 400-دەن استام ۇمىتكەرلەر ءتۇرلى جانرلار بويىنشا سايىستى. اتالعان ورتالىقتىڭ ونەرپاز زەينەتكەرلەرى حالىق ءانى «بەۋ-ايدايدى» ورىنداۋىمەن ءارى كوركەم كيىمدەرىمەن كورەرمەندەردى ءتانتى ەتكەن.
انسامبلگە قر-نىڭ ەڭبەك سىڭىرگەن مادەنيەت قايراتكەرى جاناربەك يسكەندىروۆ جەتەكشىلىك ەتەدى, ال كوركەمدىك جۇمىسىمەن جانە رەپەرتۋارىن قالىپتاستىرۋمەن ءشاربات قۇرمانوۆا اينالىسادى.
2019 جىلى جەلتوقساندا قالالىق ارداگەرلەر ۇجىمىندا (سارىارقا اۋدانى) جۇمىسىن باستاعان اتالعان ءانسامبلدىڭ رەپەرتۋارىندا وسى كۇنى 80-گە جۋىق ءان بار.
ونەر ۇجىمىنىڭ نەگىزىن قالاۋعا تەرمەشى, سازگەر, كۇيشى, ءانشى كۇلزاعيلا بارلىكوۆا مۇرىندىق بولعان, ال, العاشقى كونتسەرتىن 2019 جىلى «شاراپات» قارتتار ۇيىندە وتكىزگەن ەكەن.
«انسامبل جۋىردا ءوزىنىڭ 5 جىلدىق ەسەپتىك كونتسەرتىن وتكىزگەن. مۇندا 62-72 جاس ارالىعىندا ءان ايتۋمەن اۋەستەنەتىن اجەلەر جينالعان, وسى كەيۋانالارىمىزدىڭ حالىقارالىق بايقاۋدان جۇلدەمەن ورالۋى ءبىز ءۇشىن ۇلكەن جەتىستىك», دەدى ەسىل اۋدانى بويىنشا الەۋمەتتىك قىزمەت كورسەتۋ ءبولىمىنىڭ باسشىسى جانار ەسەنامانوۆا.
وسى بايقاۋدا ءبىرىنشى ورىندى جەڭىپ العان «ساعىنىش سازى» ارداگەرلەر ءانسامبلى گرەتسيانىڭ سالونيكي قالاسىندا وتەتىن GREECE GRAND FESTIVAL-گە جولداما الدى.
