سپورت • 31 ناۋرىز, 2025

سپورتشىلاردىڭ ءبىر اپتا بۇرىنعى جەتىستىكتەرى

90 رەت
كورسەتىلدى
1 مين
وقۋ ءۇشىن

شولۋ اقپارات – سالا مينيسترلىگىنىڭ ءباسپاسوز قىزمەتىنەن حابارلاندى, دەپ جازادى Egemen.kz

سپورتشىلاردىڭ ءبىر اپتا بۇرىنعى جەتىستىكتەرى

فوتو: Turizm jane sport ministrligi

مانەرلەپ سىرعاناۋ: بوستونداعى (اقش) الەم چەمپيوناتىندا ميحايل شايدوروۆ جالپى ەسەپتە جەكە رەكوردىن جاڭارتىپ (287,47 ۇپاي), جارىستى كۇمىس جۇلدەمەن اياقتادى, ءسويتىپ, 2026 جىلعى وليمپياداعا قاتىسۋ ءنورماتيۆىن ورىندادى. سونداي-اق ايەلدەر باسەكەسىندە سوفيا سامودەلكينا دا وليمپياداعا جولداما الدى.

كۇرەس: امماندا (يوردانيا) ەرەسەكتەر اراسىنداعى XXI ازيا چەمپيوناتىندا قازاقستان قۇراماسى (گرەك-ريم, ايەلدەر جانە ەركىن كۇرەس) 2 التىن, 4 كۇمىس, 5 قولا مەدال جەڭىپ الدى.

پارا دزيۋدو: تبيليسيدە (گرۋزيا) كورۋ قابىلەتى زاقىمدالعان سپورتشىلار اراسىنداعى الەم كۋبوگىندە قورجىنعا 3 التىن, 2 كۇمىس, 1 قولا مەدال ءتۇستى.

كوركەم گيمناستيكا: وتاندىق سپورتشىلار ءداستۇرلى «افروديتا كۋبوگى» تۋرنيرىندە 9 التىن, 5 كۇمىس, 1 قولا مەدال ەنشىلەدى.

سپورتتىق گيمناستيكا: زەينوللا ىدىرىسوۆ گەرمانيانىڭ شتۋتگارت قالاسىندا حالىقارالىق دودادا توپ جاردى.

ءجۇزۋ: Bulgarian Open (بولگاريا) جارىسىندا 100 مەترگە ەركىن ادىسپەن جۇزۋدە گلەب كوۆالەنيا جەڭىمپاز اتاندى, ال, 100 مەترگە شالقالاپ ءجۇزۋ سايىسىندا كسەنيا يگناتوۆا كۇمىس جۇلدەگە قول جەتكىزدى.

سوڭعى جاڭالىقتار