ءدارىس 2025 جىلعى 14 ناۋرىزدا وتكەن IV ۇلتتىق قۇرىلتاي وتىرىسىندا قازاقستان رەسپۋبليكاسىنىڭ پرەزيدەنتى ق.ك. توقاەۆ جاريالاعان باستامالار مەن جوبالاردى تالقىلاۋعا ارنالدى.
ءىس-شاراعا قازاقستان رەسپۋبليكاسى باس پروكۋراتۋراسىنىڭ قۇقىق قورعاۋ ورگاندارى اكادەمياسىنىڭ تىڭداۋشىلارى مەن ەلوردالىق جوعارى وقۋ ورىندارىنىڭ ستۋدەنتتەرىنەن قۇرالعان 80-نەن استام ادام قاتىستى.
«مەملەكەت باسشىسى ورتاق ماقساتتارعا جەتۋ ءۇشىن قازاقستانداعى بارلىق ەتنوستىق توپتار مەن حالىقتاردىڭ بىرلىگىن نىعايتۋدىڭ ماڭىزدىلىعىن اتاپ ءوتتى, دەنساۋلىق ساقتاۋ, ءبىلىم بەرۋ جانە تۇرعىن ءۇيدى قوسا العاندا, الەۋمەتتىك ينفراقۇرىلىمدى جاقسارتۋ باستامالارىن جاريالادى, باستى نازار – كورسەتىلەتىن قىزمەتتەردىڭ قولجەتىمدىلىگى مەن ساپاسىنا اۋدارىلدى. ونىڭ بايانداماسىندا ەكونوميكالىق ترانسفورماتسيا جانە ساياسي رەفورمالار ماسەلەلەرى قوزعالدى. پرەزيدەنت ەكولوگيانى قورعاۋ مەن تابيعي رەسۋرستاردى تۇراقتى پايدالانۋ شارالارىنا, سونىڭ ىشىندە جاسىل ەنەرگەتيكا جوبالارىنا ەرەكشە نازار اۋداردى, سونداي-اق قازاق مادەنيەتى مەن ءتىلىن ساقتاۋ جانە ناسيحاتتاۋ باستامالارىن قولدادى. بارلىق وسى يدەيالار نەعۇرلىم ادىلەتتى جانە وركەندەگەن قوعام قۇرۋعا, سونداي-اق قازاقستاننىڭ حالىقارالىق ارەناداعى پوزيتسيالارىن نىعايتۋعا باعىتتالعان», دەدى قازاقستان رەسپۋبليكاسى پرەزيدەنتتىك ورتالىعىنىڭ ديرەكتورى باقىتجان تەمىربولات.
«ادال ادام – ادال ەڭبەك» – بۇل مەملەكەت باسشىسى IV ۇلتتىق قۇرىلتاي وتىرىسىندا ايتقان مىقتى جانە ادىلەتتى قوعامنىڭ نەگىزى. بۇگىندە الەم قارقىندى وزگەرىپ جاتقان كەزدە, ءبىز ءۇشىن وسى قۇندىلىقتاردى ساقتاۋ, ۇلگى كورسەتۋ, وزگەلەردى ادال, جاۋاپتى جانە لايىقتى ومىرگە شابىتتاندىرۋ وتە ماڭىزدى. قازاقستان دامۋدىڭ جاڭا كەزەڭىنىڭ الدىندا تۇر. پرەزيدەنت ق.ك. توقاەۆ بەلگىلەگەن ستراتەگيالىق مىندەتتەر بۇكىل قوعامنىڭ كۇش-جىگەرىن بىرىكتىرۋدى تالاپ ەتەدى. بۇل جاي عانا سىن-قاتەر ەمەس, سونىمەن قاتار ءاربىر ازاماتتىڭ ەلىمىزدىڭ بولاشاعىنا ءوز ۇلەسىن قوسۋىنا بەرىلگەن مۇمكىندىك», دەدى ءماجىلىس دەپۋتاتى ۆەرا كيم.
IV ۇلتتىق قۇرىلتاي وتىرىسىندا مەملەكەت باسشىسى ورتاق ماقساتتارعا جەتۋ ءۇشىن قازاقستانداعى بارلىق ەتنوستىق توپتار مەن حالىقتاردىڭ بىرلىگىن نىعايتۋدىڭ ماڭىزدىلىعىن اتاپ ءوتتى, دەنساۋلىق ساقتاۋ, ءبىلىم بەرۋ جانە تۇرعىن ءۇيدى قوسا العاندا, الەۋمەتتىك ينفراقۇرىلىمدى جاقسارتۋ باستامالارىن جاريالادى, باستى نازار – كورسەتىلەتىن قىزمەتتەردىڭ قولجەتىمدىلىگى مەن ساپاسىنا اۋدارىلدى. ونىڭ بايانداماسىندا ەكونوميكالىق ترانسفورماتسيا جانە ساياسي رەفورمالار ماسەلەلەرى قوزعالدى. پرەزيدەنت سونداي-اق ەكولوگيانى قورعاۋ مەن تابيعي رەسۋرستاردى تۇراقتى پايدالانۋ شارالارىنا, سونىڭ ىشىندە «جاسىل» ەنەرگەتيكا جوبالارىنا ەرەكشە نازار اۋداردى, قازاق مادەنيەتى مەن مەملەكەتتىك ءتىلىن ساقتاۋ جانە ناسيحاتتاۋ باستامالارىن قولدادى.
