— 23 ناۋرىزدا ساعات 08:28–دە ەڭبەكشىقازاق اۋدانى اۋماعىنداعى وبلىستىق ماڭىزداعى «تۇرگەن اۋىلى — باتان شاتقالى» اۆتوجولىنىڭ 23-24 شاقىرىمىندا قار جامىلعىسىنىڭ تۇراقسىزدىعى جانە تاۋلى بەتكەيلەردە قاردىڭ كوپ جينالۋىنا بايلانىستى وزدىگىنەن قار كوشكىنى ءجۇردى, — دەلىنگەن وبلىستىق تجد حابارلاماسىندا.
قازىرگى ۋاقىتتا قار كوشكىنىڭ پارامەترلەرى ناقتىلانىپ جاتىر.
وقيعا سالدارىن جويۋ جانە قاۋىپسىزدىكتى قامتاماسىز ەتۋ ماقساتىندا وقيعا ورنىنا «قازسەلقورعاۋ» مم-نەن 1 قىزمەتكەر مەن 1 تەحنيكا, سونداي-اق الماتى وبلىسى تجد-نەن 1 قىزمەتكەر مەن 1 تەحنيكا جىبەرىلدى.
— ازاماتتاردىڭ ءومىرى مەن دەنساۋلىعىنىڭ قاۋىپسىزدىگىن قامتاماسىز ەتۋ جانە توتەنشە جاعدايلاردىڭ الدىن الۋ ماقساتىندا الماتى وبلىسىنىڭ «جولاۋشىلار كولىگى جانە اۆتوموبيل جولدارى باسقارماسى» شەشىمىنە سايكەس, 2024 جىلعى 15 قاراشادان 2025 جىلعى 31 ناۋرىزعا دەيىن «تۇرگەن — باتان — اسى وبسەرۆاتورياسى» وبلىستىق ماڭىزداعى اۆتوجولىنىڭ 15-41 شاقىرىم ارالىعى كولىك قوزعالىسى ءۇشىن جابىق. ازاماتتاردى قاۋىپسىزدىك شارالارىن ساقتاۋعا جانە مارشرۋتتاردى جوسپارلاۋ كەزىندە وسى اقپاراتتى ەسكەرۋگە شاقىرامىز, — دەلىنگەن حابارلامادا.
