الماتىدا سوزىلدى نەمەسە اسسامبلەيا تاتۋ بولسا اس كوپ
1 مامىر مەرەكەسىنە ورايلاستىرىپ الماتى قالاسى اكىمى اپپاراتىنىڭ «قوعامدىق كەلىسىم» كمم قازاقستان حالقى اسسامبلەياسىنىڭ قولداۋىمەن قالالىقتارعا ەرەكشە سىي تارتۋ ەتتى. اسسامبلەيا تاتۋ بولسا اس كوپ ەكەن, وسىلايشا الەمدەگى ەڭ ۇزىن لاعمان دا جاسالدى.
الماتىلىقتار مەن قالا قوناقتارىن ەلەڭدەتكەن ەرەكشە وقيعا قۇددىس قوجامياروۆ اتىنداعى مەملەكەتتىك ۇيعىر مۋزىكالىق كومەديا تەاترىنىڭ ساياباعىندا ءوتتى.
الەمدەگى ەڭ ۇزىن لاعماندى سوزۋعا بەساسپاپ اسپازدار شاقىرىلعان. 30 بىردەي اسپاز ۇيعىرلاردىڭ ءداستۇرلى لاعمان دايىنداۋ ادىسىمەن سالماعى 687 كيلوگرامم بولاتىن ءدامدى استى دايىنداپ, جينالعان جۇرتقا ءدام تاتقىزدى.
اسپازدار الدىن الا كەمى 1500 كىسىگە لاعمان دايىندايتىندارىن جاريالاعان بولاتىن. دەگەنمەن, مەرەكەدە ادام باسىن ساناپ وتىرعان ەشكىم جوق, بىراق جەر بەتىندەگى ەڭ ۇزىن لاعماندى جەۋگە كەلگەندەر سانى جەتكىلىكتى بولدى.
قالالىقتار مارە-سارە بولىپ جاتقان ءىس-شارا بارىسىندا مەرەكەلىك كونتسەرتتەر, لاعمان جاساۋدان شەبەرلىك-ساباعى, مادەني ويىن-ساۋىق باعدارلاماسى قوسا ۇيىمداستىرىلىپ, وعان ۇلتتىق مادەني ورتالىقتاردىڭ وكىلدەرى اتسالىستى.
وسىناۋ ەرەكشە وقيعا بارىسىندا سولتۇستىك پوليۋسكە بارىپ كەلگەن ءبىرىنشى قازاقستاندىق شاڭعى ەكسپەديتسياسىنىڭ مۇشەلەرىمەن كەزدەسۋ ۇيىمداستىرۋ كوزدەلگەن بولاتىن.
اتالمىش ناۋقانعا قازاق گەوگرافيالىق قوعامىنىڭ كەزەكتى رەكوردىن ورناتۋ ءۇشىن, گيننەس رەكوردتار كىتابىنىڭ تورەشىلەرى شاقىرىلدى.
الماتىدا قازاقستان حالقىنىڭ بىرلىگى مەرەكەسىنە وراي وزگە دە وڭدى وقيعالار بولىپ جاتتى. قالانىڭ باستى مەيرامى ورتالىق مادەنيەت جانە دەمالىس ساياباعىندا قالا اكىمى احمەتجان ەسىموۆتىڭ قاتىسۋىمەن مارەگە جەتتى. ال سول يگى شارالاردىڭ بارلىعىندا دەرلىك ەلباسىنىڭ باستاماسىمەن قۇرىلعان قازاقستان حالقى اسسامبلەياسى بولعانىنا ءسات سايىن كۋا بولدىق.
بۇگىنگى تاڭدا الماتى قالاسىنىڭ قازاقستان حالقى اسسامبلەياسىنىڭ قۇرامىنا 34 ەتنومادەني بىرلەستىكتەر كىرەدى. بۇل مادەني ورتالىقتاردىڭ بارلىعى دا اۋىزبىرشىلىك پەن تاتۋلىققا قىزمەت ەتىپ, ۇلكەن ەلدىك شارالاردىڭ شىرايىن كەلتىرۋگە بارىنشا اتسالىسىپ كەلەدى.
ايناش ەسالي,
«ەگەمەن قازاقستان».
الماتى.
سۋرەتتى تۇسىرگەن
ايتجان مۇرزانوۆ.
1 مامىر مەرەكەسىنە ورايلاستىرىپ الماتى قالاسى اكىمى اپپاراتىنىڭ «قوعامدىق كەلىسىم» كمم قازاقستان حالقى اسسامبلەياسىنىڭ قولداۋىمەن قالالىقتارعا ەرەكشە سىي تارتۋ ەتتى. اسسامبلەيا تاتۋ بولسا اس كوپ ەكەن, وسىلايشا الەمدەگى ەڭ ۇزىن لاعمان دا جاسالدى.
الماتىلىقتار مەن قالا قوناقتارىن ەلەڭدەتكەن ەرەكشە وقيعا قۇددىس قوجامياروۆ اتىنداعى مەملەكەتتىك ۇيعىر مۋزىكالىق كومەديا تەاترىنىڭ ساياباعىندا ءوتتى.
الەمدەگى ەڭ ۇزىن لاعماندى سوزۋعا بەساسپاپ اسپازدار شاقىرىلعان. 30 بىردەي اسپاز ۇيعىرلاردىڭ ءداستۇرلى لاعمان دايىنداۋ ادىسىمەن سالماعى 687 كيلوگرامم بولاتىن ءدامدى استى دايىنداپ, جينالعان جۇرتقا ءدام تاتقىزدى.
اسپازدار الدىن الا كەمى 1500 كىسىگە لاعمان دايىندايتىندارىن جاريالاعان بولاتىن. دەگەنمەن, مەرەكەدە ادام باسىن ساناپ وتىرعان ەشكىم جوق, بىراق جەر بەتىندەگى ەڭ ۇزىن لاعماندى جەۋگە كەلگەندەر سانى جەتكىلىكتى بولدى.
قالالىقتار مارە-سارە بولىپ جاتقان ءىس-شارا بارىسىندا مەرەكەلىك كونتسەرتتەر, لاعمان جاساۋدان شەبەرلىك-ساباعى, مادەني ويىن-ساۋىق باعدارلاماسى قوسا ۇيىمداستىرىلىپ, وعان ۇلتتىق مادەني ورتالىقتاردىڭ وكىلدەرى اتسالىستى.
وسىناۋ ەرەكشە وقيعا بارىسىندا سولتۇستىك پوليۋسكە بارىپ كەلگەن ءبىرىنشى قازاقستاندىق شاڭعى ەكسپەديتسياسىنىڭ مۇشەلەرىمەن كەزدەسۋ ۇيىمداستىرۋ كوزدەلگەن بولاتىن.
اتالمىش ناۋقانعا قازاق گەوگرافيالىق قوعامىنىڭ كەزەكتى رەكوردىن ورناتۋ ءۇشىن, گيننەس رەكوردتار كىتابىنىڭ تورەشىلەرى شاقىرىلدى.
الماتىدا قازاقستان حالقىنىڭ بىرلىگى مەرەكەسىنە وراي وزگە دە وڭدى وقيعالار بولىپ جاتتى. قالانىڭ باستى مەيرامى ورتالىق مادەنيەت جانە دەمالىس ساياباعىندا قالا اكىمى احمەتجان ەسىموۆتىڭ قاتىسۋىمەن مارەگە جەتتى. ال سول يگى شارالاردىڭ بارلىعىندا دەرلىك ەلباسىنىڭ باستاماسىمەن قۇرىلعان قازاقستان حالقى اسسامبلەياسى بولعانىنا ءسات سايىن كۋا بولدىق.
بۇگىنگى تاڭدا الماتى قالاسىنىڭ قازاقستان حالقى اسسامبلەياسىنىڭ قۇرامىنا 34 ەتنومادەني بىرلەستىكتەر كىرەدى. بۇل مادەني ورتالىقتاردىڭ بارلىعى دا اۋىزبىرشىلىك پەن تاتۋلىققا قىزمەت ەتىپ, ۇلكەن ەلدىك شارالاردىڭ شىرايىن كەلتىرۋگە بارىنشا اتسالىسىپ كەلەدى.
ايناش ەسالي,
«ەگەمەن قازاقستان».
الماتى.
سۋرەتتى تۇسىرگەن
ايتجان مۇرزانوۆ.
