فوتو: Oqu-agartu ministrligi
سونىمەن قاتار, اۋدان ورتالىقتارى مەن اۋىلداردا 1 مىڭ مەكتەپتى مودەرنيزاتسيالاۋ 7 باعىت بويىنشا جالعاسىپ جاتىر. سوڭعى 3 جىلدا 4 مىڭنان استام مەكتەپتىڭ ماتەريالدىق-تەحنيكالىق بازاسى جاڭارتىلىپ, 2 مىڭنان استام مەكتەپكە STEM, فيزيكا, بيولوگيا, حيميا, روبوتوتەحنيكا زاماناۋي كابينەتتەرى ورناتىلعان.
وقۋ-اعارتۋ مينيسترلىگىنىڭ ءباسپاسوز قىزمەتىنىڭ مالىمدەۋىنشە, ماڭىزدى قادامداردىڭ ءبىرى – 2023 جىلى ءبىلىم بەرۋ ينفراقۇرىلىمىن قولداۋ قورىنىڭ قۇرىلۋى بولدى. ول جەمقورلاردان تاركىلەنگەن قارجى ەسەبىنەن تولىقتىرىلىپ كەلەدى. سونىڭ ارقاسىندا 100 مىڭ وقۋشى ورنىنا ارنالعان 89 مەكتەپتىڭ قۇرىلىسى قارجىلاندىرىلدى. ونىڭ 74,4 مىڭ ورىندىق 61 مەكتەبىندە بۇگىندە بالالار ءبىلىم الىپ جاتىر.
كەلەسى قادامداردىڭ ءبىرى مەكتەپ ينفراقۇرىلىمدارىن بىرىڭعاي فورماتقا كەلتىرۋ بولماق. ول ءۇشىن مەملەكەت باسشىسىنىڭ تاپسىرماسىمەن 1300-گە جۋىق مەكتەپ رەنوۆاتسيادان وتەدى. ونىڭ ىشىندە 900 اۋىل مەكتەبى بار. جوبا 3 جىلعا جوسپارلانعان جانە 9 باستى باعىت بويىنشا جۇزەگە اسىرىلادى. ونىڭ شەڭبەرىندە مەكتەپتەردىڭ شاتىرلارى اۋىستىرىلادى, سىرتقى قاسبەتتەرى, تەرەزەلەرى جاڭارتىلادى, ينجەنەرلىك كوممۋنيكاتسيا جەلىلەرى كۇردەلى جوندەۋدەن وتەدى. سونداي-اق مەكتەپ اۋماعى اباتتاندىرىلىپ, كوگالداندىرىلادى.
