فوتو: مەملەكەتتىك كىرىستەر كوميتەتى
جاندوس دۇيسەمبيەۆ ءمينيستردى تاعايىندالۋىمەن قۇتتىقتاپ, مەملەكەت باسشىلارىنىڭ تاپسىرمالارىن ىسكە اسىرۋعا باعىتتالعان ودان ءارى جەمىستى ىنتىماقتاستىققا سەنىم ءبىلدىردى. بۇل مىندەتتەرگە كەدەندىك راسىمدەردى جەڭىلدەتۋ, شەكاراداعى اشىقتىقتى ارتتىرۋ جانە ەكىجاقتى ساۋدانى ىنتالاندىرۋ كىرەدى.
قر قم مەملەكەتتىك كىرىستەر كوميتەتىنىڭ ءباسپاسوز قىزمەتىنىڭ مالىمدەۋىنشە كەزدەسۋ بارىسىندا قازاقستان تاراپى شەكاراداعى وتكىزۋ پۋنكتتەرىن جاڭعىرتۋ تۋرالى, سونداي-اق نۇر جولى – قورعاس وتكىزۋ پۋنكتتەرىندە تاۋلىك بويى جۇمىس ىستەۋ رەجيمىنىڭ پيلوتتىق جوباسىنىڭ ناتيجەلەرى تۋرالى اقپارات ۇسىندى.
نەگىزگى ۋاعدالاستىقتار:
- وتكىزۋ پۋنكتتەرىنىڭ وتكىزۋ قابىلەتىن ارتتىرۋ جونىندەگى بىرلەسكەن شارالار;
- ينفراقۇرىلىمدى جاڭعىرتۋ جانە وتكىزۋ پۋنكتتەرىنىڭ جۇمىس رەجيمىن ۇلعايتۋ;
- ۇزدىكسىز قوزعالىس ءۇشىن قابىلداناتىن اۆتوكولىك قۇرالدارىنىڭ (اكق) ەڭ از سانىن ەنگىزۋ; شەكاراداعى پروتسەستەردى ۇيلەستىرۋ جونىندەگى بىرلەسكەن جۇمىس توبىنىڭ جۇمىسىن كۇشەيتۋ.
ايتا كەتەيىك, ءساۋىردىڭ ءبىرىنشى جارتىسىندا جۇمىس توبى بيزنەس-پروتسەستەردى زەرتتەۋ, اكق قوزعالىسىنا اسەر ەتەتىن پروبلەمالىق ماسەلەلەردى انىقتاۋ جانە ولاردى جويۋ ءۇشىن ۇسىنىستار ازىرلەۋ ءۇشىن شەكارادا كوشپەلى جينالىس وتكىزەدى.
كەلىسسوزدەر قورىتىندىسى بويىنشا تاراپتار:
- وتكىزۋ پۋنكتتەرىن جاڭعىرتۋدى جەدەلدەتۋگە;
- كەدەندىك باقىلاۋدىڭ تيىمدىلىگىن ارتتىرۋعا; شەكارادان ءوتۋدىڭ قولايلى جاعدايلارىن قامتاماسىز ەتۋگە جانە اكق جينالۋىن بولدىرماۋعا كەلىستى.
كەزدەسۋ قازاقستان مەن قىتاي اراسىنداعى ساۋدا-ەكونوميكالىق ىنتىماقتاستىقتى دامىتۋ جولىندا تاعى ءبىر قادام بولدى, ال قول جەتكىزىلگەن ۋاعدالاستىقتار كەدەندىك رەسىمدەۋدىڭ تيىمدىلىگى مەن جىلدامدىعىن ەداۋىر ارتتىرۋعا مۇمكىندىك بەرەدى.
