بالقاشتا «ناۋرىزناما» ونكۇندىگى شەڭبەرىندەگى قايىرىمدىلىق كۇنى اياسىندا كوپ بالالى انالارعا, از قامتىلعان وتباسىلارعا جانە مۇمكىندىگى شەكتەۋلى جاندارعا 15 جاڭا پاتەر بەرىلدى.
ساراندا 110 وتباسىعا كىلت تابىس ەتىلدى. ولاردىڭ ىشىندە جەتىم بالالار, كوپ بالالى وتباسىلار جانە الەۋمەتتىك وسال توپ وكىلدەرى بار. بۇل پاتەرلەر مەملەكەتتىك باعدارلاما بويىنشا قۇرىلىس سالۋشىدان ساتىپ الىندى.
– ناۋرىزدا يگىلىكپەن ءبولىسۋ, سىيلىقتار جاساۋ داستۇرگە اينالدى. وسىنداي مەرەكە قارساڭىندا ءبىز ءۇشىن ماڭىزدى سىيلىق – پاتەر كىلتىن العانىمىزدىڭ ەرەكشە ءمانى بار, – دەيدى ساران قالاسىندا تۇراتىن جالعىز باستى انا ءمولدىر سالىقوۆا.
جاڭا پاتەردىڭ كىلتىن تاپسىرۋ الداعى كۇندەرى دە جالعاسادى. قاراعاندىدا 19 ناۋرىزدا 180 وتباسى قونىس تويىن تويلايدى, 20 ناۋرىزدا بۇقار جىراۋ اۋدانىنىڭ دوسكەي اۋىلىندا 60 وتباسى پاتەر كىلتىن الادى, 21 ناۋرىزدا تاعى 24 وتباسى نۇرا اۋدانىندا جاڭا باسپاناعا يە بولادى.
قاراعاندى وبلىسى
