فينالدىق سايىستا ول برازيليالىق جواو فونسەكامەن كەزدەستى. بۇل باسەكە وتە تارتىستى ءوتىپ, ەكى سەت تە تاي-برەيككە ۇلاستى. دەسەك تە شەشۋشى تۇستا شيراق قيمىلداعان فونسەكا 7:6, 7:6 ەسەبىمەن جەڭىسكە جەتتى. اتالعان تۋرنيردە فينالعا شىققانىنىڭ ارقاسىندا ول اتر رەيتينگتىندە ەكى ساتىعا جوعارىلاپ, قازىرگى كەزدە 80-ورىندى يەلەنىپ وتىر.
ۇزدىكتەر تىزىمىندە الەكساندر شەۆچەنكو ءوز ورنىن ساقتاپ قالدى. وتانداسىمىز 98 ساتىعا جايعاستى. ال تيموفەي سكاتوۆ پەن ميحايل كۋكۋشكين وتكەن اپتامەن سالىستىرعاندا جاعدايلارىن جاقسارتتى. بۇل كۇندەرى ولار 160 جانە 175 ورىنداردى ەنشىلەپ تۇر.
كوش باسىندا ايتارلىقتاي وزگەرىس جوق. بۇل رەتتە ۇزدىك ۇشتىكتىڭ قاتارىندا يتاليالىق ياننيك سيننەر, گەرمانيالىق الەكساندر زۆەرەۆ جانە يسپانيالىق كارلوس الكاراس سىندى ساڭلاقتار بار.
