فوتو: ەرلان ومار/ egemen.kz
ەلىمىزدە ناۋرىز مەرەكەسىنىڭ باستاپقى ءمانىن قايتارىپ, ونىڭ قىر-سىرىن تولىق اشۋ ماقساتىندا ناۋرىزناما ونكۇندىگىنىڭ تۇجىرىمداماسى بەكىتىلگەن ەدى. قازاقستاننىڭ قازىرگى تاريحىندا ناۋرىز تولىققاندى ترانسفورماتسيالارعا قارقىن بەرگەن جاڭا ساياسي ءداۋىردىڭ باستالۋىن بىلدىرەدى. تابيعات جاڭارۋىنداعى جاڭا تسيكلدىڭ باستالۋىن قازاقستان دامۋىنداعى جاڭا كەزەڭنىڭ باستالۋىمەن سالىستىرۋعا بولادى.
17 ناۋرىز تۇجىرىمداما تىزبەسىنە ساي - مادەنيەت جانە ۇلتتىق سالت-ءداستۇر كۇنى.
مادەنيەت جانە ۇلتتىق سالت-ءداستۇر كۇنى حالقىمىزدىڭ مادەني باي مۇراسى ۇلىقتالىپ, ونى بولاشاق ۇرپاققا جەتكىزۋدىڭ ءمان-ماڭىزى ايقىندالادى. تىرشىلىگىمىزدىڭ ءار تابى سالت-داستۇرمەن ساباقتاساتىن حالقىمىز ءۇشىن ونىڭ ورنىقتى قولدانىلىپ, ءومىرىمىزدى ورنەكتەي ءتۇسۋى قاي عاسىردا دا وزەكتى.
سول سەبەپتى 17 ناۋرىزدىڭ تاقىرىپتىق مازمۇنى مادەنيەتتى, ونەردى جانە ۇلتتىق قۇندىلىقتاردى ناسيحاتتاۋعا ارنالعان.
بۇل كۇنى ەلىمىزدىڭ ءار ايماعىندا مادەنيەت جانە ۇلتتىق سالت-ءداستۇر ءمانى مەرەكە وزەگىنە اينالادى.
