ەڭ الدىمەن ويىل ەلدىمەكەنىنە كىرەبەرىستەگى كوپىردى قارعىن سۋ بۇزىپ كەتۋىنەن اۋدان ورتالىعىمەن كولىك قاتىناسى توقتادى. قازىرگى ۋاقىتتا اۋدان ورتالىعى تۇرعىندارى ارعى بەتكە موتورلى قايىقپەن ءوتىپ ءجۇر. ويىل وزەنى ءالى تاسىعان جوق. وتكەن جىلى سۋ تاسقىنى كەزىندە ويىل وزەنى بويىنداعى كوپىردى بۇزىپ كەتىپ, ونىڭ ورنىنا سالىناتىن قۇرىلىستى بيىلعى كوكتەمدە باستاۋ جوسپارلانعان ەدى. ونىڭ بيۋدجەتى 2,6 ملرد تەڭگە. مەردىگەرى – «تەنگيزسترويسەرۆيس» جشس-ءى. جوبا قىستا ساراپتامادان وتكەن.
سونداي-اق اقتوبە قالاسىنىڭ ىرگەسىندەگى قۋرايلى, جاڭاقونىس, باۋىرلاستار تۇرعىن الاپتارىنا دا سۋ كىرۋ قاۋپى جوعارى بولۋىنان, سۋ باعىتىن بۇرۋ, ارنالاردى بەكىتۋ جۇمىستارى جالعاسىپ جاتىر. اقتوبە قالاسى اكىمى ازامات بەكەتتىڭ حابارلاۋىنشا, قالانىڭ كوممۋنالدىق مەكەمەلەرى, قۇتقارۋ قىزمەتى كۇشەيتىلگەن رەجيمگە كوشىرىلدى. ءدال قازىرگى ۋاقىتتا وزەن ارنالارىنا جاقىن ورنالاسقان ەلدىمەكەندەرگە سۋ باسۋ قاۋپى ءتونىپ تۇرعان جوق.
اقتوبە وبلىسى
