فوتو: اقوردا
جيىنعا قۇرىلتاي مۇشەلەرى مەن باسقا دا دەلەگاتتار قاتىسىپ وتىر. قازىرگى ۋاقىتتا سپيكەرلەر ءسوز الدى.
ايتا كەتەيىك, مەملەكەت باسشىسىنىڭ جارلىعىمەن قازاقستان رەسپۋبليكاسى پرەزيدەنتىنىڭ جانىنداعى ۇلتتىق قۇرىلتاي 2022 جىلى قۇرىلدى.
العاشقى وتىرىسى سول جىلى ۇلىتاۋ وڭىرىندە ءوتتى. كەلەر جىلى ۇلتتىق ماسەلەلەر تۇركىستاندا تالقى تارازىسىنا سالىندى. بىلتىر قۇرىلتاي مۇشەلەرى اتىراۋدا باس قوستى.
قۇرىلتاي ءداستۇرىنىڭ قايتا جاڭعىرۋى حالىقتىڭ ەرىك-جىگەرىن ءبىر ارنادا توپتاستىرىپ, مەملەكەتتىك ماڭىزى بار وزەكتى ماسەلەلەردى شەشۋدى كوزدەيدى. قازاقستان رەسپۋبليكاسى پرەزيدەنتى جانىنداعى كونسۋلتاتيۆتىك-كەڭەسشى ورگان رەتىندە ەلدەگى قوعامدىق كونسوليداتسيانى ودان ءارى نىعايتۋدى كوزدەيتىن ۇسىنىستار مەن ستراتەگيالاردى ازىرلەۋدە شەشۋشى ءرول اتقارادى. ءوز قىزمەتىندە قازاقستان رەسپۋبليكاسىنىڭ كونستيتۋتسياسىن, زاڭدارىن, قازاقستان رەسپۋبليكاسى پرەزيدەنتىنىڭ اكتىلەرىن جانە وزگە دە نورماتيۆتىك قۇقىقتىق اكتىلەردى باسشىلىققا الادى. قوعامدىق كونسوليداتسيانى ودان ءارى دامىتۋ ءۇشىن يدەيالار مەن قادامداردى تۇجىرىمداۋدى ماقسات ەتەدى.
ۇلتتىق قۇرىلتاي ەل تۇرعىندارىنىڭ كەڭ اۋقىمدى پىكىرى مەن كوزقاراسى توعىساتىن نەگىزگى ۇلتتىق ديالوگ الاڭىنا اينالدى. بۇل پرەزيدەنتتىڭ جوسپارىنا سايكەس مەملەكەت پەن حالىق اراسىنداعى بايلانىستى نىعايتىپ, قازاقستاننىڭ دامۋ جولىندا ناتيجەلى دە ءوزارا ءتيىمدى ىنتىماقتاستىققا سەپتىگىن تيگىزەدى.
