تۇندە وكتيابر كەنتى مەن اۋليەكول اۋىلىنىڭ اراسىنداعى اۆتوجولدا اقمولا وبلىسىنان كەلە جاتقان 174 جۇك كولىگى تۇرىپ قالدى. جولدا قالعان كولىكتەردىڭ ىشىندە جولاۋشىلار اۆتوبۋسى دا بار.
مىسالى, قىرعىزستاننان رەسەيگە بارا جاتقان اۆتوبۋستا 4 بالا, 5 ايەل, 42 ەر ادام بولعان. پوليتسيا قىزمەتكەرلەرى جولاۋشىلاردى مەكتەپ جانىنان اشىلعان جىلىتۋ پۋنكتىنە ورنالاستىرىپ, اس-سۋمەن, جاتىن ورىنمەن قامتاماسىز ەتكەن.
«بلوكپوستتارداعى جول قاۋىپسىزدىگىن پاترۋلدىك پوليتسەيلەر, تجد, «قازاۆتوجول» قىزمەتكەرلەرى, جەرگىلىكتى اتقارۋشى بيلىك وكىلدەرى قامتاماسىز ەتىپ جاتىر» دەپ مالىمدەدى وبلىستىق پد-نىڭ ءباسپاسوز قىزمەتى.
