فوتو: اشىق دەرەككوز
شارانىڭ ماقساتى – وسكەلەڭ ۇرپاقتىڭ بويىندا رۋحاني-ادامگەرشىلىك قۇندىلىقتارىن قالىپتاستىرۋ, ءپاتريوتيزمدى نىعايتۋ, ۇلتتىق مادەني مۇرانى ساقتاۋ جانە بالالار اراسىندا دومبىرا ونەرىن ناسيحاتتاۋ.
«دومبىراشىلار چەللەندجى – بۇل بالالار, جاستار, پەداگوگتەر مەن اتا-انالاردىڭ مۋزىكالىق شەبەرلىگىن تانىتاتىن جانە بۇكىل ەلدى دومبىرا ۇنىمەن بىرىكتىرەتىن ەرەكشە شارا. وعان بارلىق تىلەك ءبىلدىرۋشى قاتىسا الادى. 2023 جىلدان باستاپ چەللەندج بارلىق ءبىلىم بەرۋ ۇيىمدارىندا ۇيىمداستىرىلىپ كەلەدى جانە ول ماڭىزدى مادەني وقيعاعا اينالدى. چەللەندج ء«بىرتۇتاس تاربيە» باعدارلاماسى مەن «ناۋرىزناما» ءىس-شارالار جوسپارى اياسىندا ۇيىمداستىرىلادى», دەدى تاربيە جۇمىسى جانە قوسىمشا ءبىلىم بەرۋ دەپارتامەنتىنىڭ ديرەكتورى ەرلان قالماقوۆ.
ايتا كەتەيىك, ناۋرىز مەيرامىن مەرەكەلەۋ 14-23 ناۋرىز ارالىعىندا ەلىمىزدىڭ بارلىق مەكتەپتەرىندە وتەدى. بۇل كۇندەرى تاقىرىپتىق چەللەندجدەر, ەكولوگيالىق اكتسيالار جانە ۇلتتىق ويىندار بويىنشا جارىستار ۇيىمداستىرىلادى.
