فوتو: اۋىل شارۋاشىلىعى مينيسترلىگىنىڭ ءباسپاسوز قىزمەتى
جايىق-كاسپي ارالىق باسسەيندىك بالىق شارۋاشىلىعى ينسپەكتسياسىنىڭ قىزمەتكەرلەرى كاسپي يتبالىقتارىنىڭ جاتاقتارى ورنالاسقان ارالدارعا ماڭعىستاۋ وبلىسى اكىمدىگىمەن, «Qazaq balyk» رەسپۋبليكالىق بالىق شارۋاشىلىعى جانە اكۆاكۋلتۋرا قاۋىمداستىعىنىڭ وكىلدەرىمەن, قوعام بەلسەندىلەرىمەن بىرلەسىپ, اۋەدەن شولۋ جاسادى.
شولۋ – اقتاۋ اۋەجايىنان باستاپ بۇرىنشىق مۇيىسىنە دەيىنگى اۋماقتى قامتىعان ونىڭ ىشىندە سولتۇستىك كاسپي, يتبالىق ارالى, باۋتينو كەنتى, ساۋرا جەرى زەرتتەلگەن.
اۋىل شارۋاشىلىعى مينيسترلىگىنىڭ مالىمەتىنشە ەكسپەديتسيا بارىسىندا مۇزدا نەمەسە سۋدا, تابيعي مەكەندەۋ ورتاسىندا 130-150-گە جۋىق يتبالىقتىڭ بار ەكەنى انىقتالىپ وتىر.
جاعالاۋ سىزىعىنان الىستا, دالادا نەمەسە ەلدى مەكەندەرگە تاياۋ جەرلەردە يتبالىقتار بايقالماعان.
كاسپي يتبالىقتارىنا ارنالعان رەزەرۆات قۇرۋ – بۇل جويىلىپ كەتۋ قاۋپى ءتونىپ تۇرعان سۋ مارجاندارىن ساقتاۋ ءۇشىن ماڭىزدى قادام.
