قازاقستان رەسپۋبليكاسى ۇكىمەتىنىڭ قاۋلىسى №252

2015 جىلعى 22 ءساۋىر,  استانا, ۇكىمەت ءۇيى «قورشاعان ورتانى لاستاۋدان كەلتىرىلگەن زالالدى ەكونوميكالىق  باعالاۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2007 جىلعى 27 ماۋسىمداعى № 535 قاۋلىسىنا وزگەرىستەر مەن تولىقتىرۋ ەنگىزۋ تۋرالى قازاقستان رەسپۋبليكاسىنىڭ ۇكىمەتى قاۋلى ەتەدى: 1. «قورشاعان ورتانى لاستاۋدان كەلتىرىلگەن زالالدى ەكونوميكالىق باعالاۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2007 جىلعى 27 ماۋسىمداعى № 535 قاۋلىسىنا (قازاقستان رەسپۋبليكاسىنىڭ ءپۇاج-ى, 2007 ج., № 21, 242-قۇجات) مىناداي وزگەرىستەر مەن تولىقتىرۋ ەنگىزىلسىن: كورسەتىلگەن قاۋلىمەن بەكىتىلگەن قورشاعان ورتانى لاستاۋدان كەلتىرىلگەن زالالدى ەكونوميكالىق باعالاۋ ەرەجەسىندە: 6-تارماق مىناداي رەداكتسيادا جازىلسىن: «6. قازاقستان رەسپۋبليكاسى ەكولوگيالىق كودەكسىنىڭ 110-بابىنا سايكەس زالالدى ەكونوميكالىق باعالاۋدىڭ جاناما ءادىسى اتموسفەرالىق اۋانىڭ, سۋ رەسۋرستارىنىڭ لاستانۋى, جەر قويناۋىنىڭ زاڭسىز پايدالانىلۋى, سونداي-اق ءوندىرىس پەن تۇتىنۋ قالدىقتارىن, ونىڭ ىشىندە راديواكتيۆتى قالدىقتاردى بەلگىلەنگەن نورماتيۆتەردەن تىس ورنالاستىرۋ جانە تابيعي رەسۋرستاردى نورماتيۆتەردەن تىس الىپ قويۋ جاعدايلارى ءۇشىن قولدانىلادى.»; 16-تارماق مىناداي رەداكتسيادا جازىلسىن: «16. كەڭ تارالعان پايدالى قازبالاردى (بۇدان ءارى - كپق), جەراستى سۋلارىن, ەمدىك بالشىقتاردى ءوز بەتىمەن ءوندىرۋدىڭ نەمەسە ولاردى زاڭسىز پايدالانۋدىڭ زالالىن ەكونوميكالىق باعالاۋ وندىرىلگەن پايدالى قازبانىڭ جانە/نەمەسە كپق-دان, جەراستى سۋلارىنان, ەمدىك بالشىقتاردان الىنعان تاۋار ءونىمى قۇنىنىڭ ون ەسەلەنگەن مولشەرىندە ايقىندالادى. وندىرىلگەن كپق, جەراستى سۋلارىنىڭ, ەمدىك بالشىقتاردىڭ جانە الىنعان تاۋار ءونىمىنىڭ قۇنى بۇزۋشىلىق انىقتالعان كۇننەن باستاپ ءبىر توقساننان اسپايتىن كەزەڭ ءۇشىن تاۋار ءونىمىن وتكىزۋدىڭ ورتاشا نارىقتىق باعاسى نەگىزگە الىنا وتىرىپ ايقىندالادى. تاۋار ءونىمى وتكىزىلمەگەن جاعدايدا وندىرىلگەن كپق-نىڭ, جەراستى سۋلارىنىڭ, ەمدىك بالشىقتاردىڭ قۇنى بۇزۋشىلىق انىقتالعان توقسان الدىنداعى توقساندا وسى اكىمشىلىك-اۋماقتىق بىرلىكتە ۇقساس قىزمەتتى جۇزەگە اسىراتىن تابيعات پايدالانۋشىلاردا قالىپتاسقان ورتاشا نارىقتىق باعا نەگىزگە الىنا وتىرىپ ايقىندالادى. كورسەتىلگەن مالىمەتتەر جەر قويناۋىن زەردەلەۋ جانە پايدالانۋ جونىندەگى ۋاكىلەتتى ورگاننان نە جەرگىلىكتى اتقارۋشى ورگانداردان سۇراتىلادى.»; مىناداي مازمۇنداعى 16-1-تارماقپەن تولتىرىلسىن: «16-1. جەر قويناۋىنا مەملەكەتتىك مەنشىك قۇقىعىن بۇزۋ (جەر قويناۋىن زاڭسىز پايدالانۋ) سالدارىنان كەلتىرىلگەن زالالدى ەكونوميكالىق باعالاۋ ناقتى وندىرىلگەن پايدالى قازبالار جانە/نەمەسە يگەرۋ جانە باستاپقى وڭدەۋ كەزىندە وندىرىلگەن تاۋار ءونىمى (كپق, جەراستى سۋلارىن, ەمدىك بالشىقتاردى قوسپاعاندا) قۇنىنىڭ ون ەسەلەنگەن مولشەرىندە ايقىندالادى. جەر قويناۋىن قورعاۋ سالاسىنداعى تالاپتاردىڭ بۇزىلۋى جانە جەر قويناۋىنا مەملەكەتتىك مەنشىك قۇقىعىنىڭ بۇزىلۋى (جەر قويناۋىن زاڭسىز پايدالانۋ) سالدارىنان كەلتىرىلگەن زالالدى ەكونوميكالىق باعالاۋ جەر قويناۋىن زەردەلەۋ مەن پايدالانۋ جونىندەگى ۋاكىلەتتى ورگانمەن بىرلەسىپ ايقىندالادى. وندىرىلگەن پايدالى قازبالاردىڭ قۇنى قازاقستان رەسپۋبليكاسى ۇكىمەتىنىڭ 2009 جىلعى 12 ناۋرىزداعى № 292 قاۋلىسىمەن بەكىتىلگەن نارىقتىق باعالار تۋرالى رەسمي تانىلعان اقپارات كوزدەرىنىڭ تىزبەسىنە سايكەس بۇزۋشىلىق انىقتالعان كۇننەن باستاپ ءبىر توقساننان اسپايتىن مەرزىمدەگى تاۋار ءونىمىن ساتۋدىڭ ورتاشا نارىقتىق باعاسى نەگىزگە الىنا وتىرىپ ايقىندالادى. انىقتالعان سوما زالال انىقتالعان ساتكە قازاقستان رەسپۋبليكاسى ۇلتتىق بانكى بەلگىلەگەن قازاقستان رەسپۋبليكاسى ۇلتتىق ۆاليۋتاسىنىڭ شەتەلدىك ۆاليۋتاعا شاققانداعى رەسمي باگامىنا كوبەيتىلەدى. جەر قويناۋىن زەردەلەۋ جانە پايدالانۋ جونىندەگى ۋاكىلەتتى ورگان مەملەكەتتىك تەڭگەرىم ەسەبىندە تۇرعان قاتتى پايدالى قازبالار بويىنشا قۇرامى تۋرالى مالىمەتتەردى كۇنتىزبەلىك 15 كۇن ىشىندە قورشاعان ورتانى قورعاۋ سالاسىنداعى ۋاكىلەتتى ورگانعا بەرەدى. سىناق زەرتحاناسى مەملەكەتتىك تەڭگەرىم ەسەبىندە تۇرماعان قاتتى پايدالى قازبالار بويىنشا قۇرامى تۋرالى مالىمەتتەردى كۇنتىزبەلىك 15 كۇن ىشىندە قورشاعان ورتانى قورعاۋ سالاسىنداعى ۋاكىلەتتى ورگانعا بەرەدى.». 2. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.