فوتو: جوعارعى سوت
قىزمەتتىك تەكسەرۋدە مەردىگەرمەن جاسالعان شارت بويىنشا جۇمىستار ءىس جۇزىندە ورىندالماعان, بىراق جۇمىستىڭ ورىندالعانى تۋرالى اكتىگە فيليالدىڭ باس ينجەنەرى مەن ديرەكتورىنىڭ قولدارى قويىلعانى انىقتالعان. كوميسسيا قىزمەتكەر شارتتىڭ ورىندالۋىنا ءتيىستى باقىلاۋدى جۇزەگە اسىرماعان دەگەن قورىتىندىعا كەلگەن.
تالاپ قويۋشى سوتقا جۇگىنگەن كەزدە جۇمىسىن قالپىنا كەلتىرۋدى سۇراعان.
جەرگىلىكتى سوتتار تالاپ قويۋشىنىڭ ەڭبەك دەمالىسىنان كەلگەننەن كەيىن مەردىگەردىڭ جۇمىسىن دۇرىس قاداعالاماعان دەپ ەسەپتەپ, تالاپتى ورىنداماعان. سوتتار قىزمەتكەردى جۇمىستان شىعارۋ شەشىمىن قابىلداعاندا اق زاڭناماسىنىڭ بۇزىلۋىن قاراماعان.
جوعارعى سوت ءىستى قاراي وتىرىپ, تالاپ قويۋشى سەنىمىن جوعالتۋ نەگىزىندە ەڭبەك شارتىن بۇزۋعا بولاتىن قىزمەتكەرلەر ساناتىنا جاتپايدى دەگەن قورىتىندىعا كەلدى (ەڭبەك كودەكسىنىڭ 52-بابى 1-تارماعى 13) تارماقشاسى). قىزمەتتىك وكىلەتتىكتەرى مەن مىندەتتەرىنە سايكەس تالاپ قويۋشى اقشالاي نەمەسە تاۋارلىق اكتيۆتەرمەن اينالىساتىن جانە اقشالاي وپەراتسيالارعا تىكەلەي رۇقساتى بار قىزمەتكەر بولىپ تابىلماعان.
ونىڭ ۇستىنە, ورىندالعان جۇمىس اكتىسى جاسالىپ جاتقان كەزدە تالاپ قويۋشى ەڭبەك دەمالىسىندا بولىپ, اكتىگە قول قويماعان.
وسىلايشا, تالاپ قويۋشى ءوزىنىڭ قىزمەتتىك جاعدايىن جۇمىس بەرۋشىنىڭ مۇددەلەرىنە قايشى كەلەتىن جەكە نەمەسە باسقا ادامداردىڭ مۇددەلەرى ءۇشىن پايدالانعانى تۋرالى دالەلدەر انىقتالمادى.
جوعارعى سوت ءىس بويىنشا شىعارىلعان سوت اكتىلەرىنىڭ كۇشىن جويدى. جۇمىستان شىعارۋ زاڭسىز دەپ تانىلىپ, تالاپ قويۋشىنى جۇمىسىنا ورالاتىن بولدى.
