فوتو: ۆيدەودان الىنعان كادر
سىبايلاس جەمقورلىققا قارسى ءىس-قيمىل اگەنتتىگىنىڭ مالىمەتىنشە, تۇركىستان قالالىق سوتى «جاسىل ايماق» كمم-ءنىڭ بۇرىنعى باسشىسى ي.بەگاسيلوۆقا, ونىڭ ورىنباسارى ا.ەرنازاروۆقا, كمم زاڭگەرى م.اينابەكوۆاعا جانە كاسىپكەر ي.مۋسليموۆقا قاتىستى ۇكىم شىعارعان. تەرگەۋ بارىسىندا ولار تەحنيكالىق تالاپتارعا سايكەس كەلمەيتىن, ساپاسىز جانە ارزان پەستيتسيدتەر مەن گەربيتسيدتەردى ساتىپ الۋ ارقىلى 14,9 ملن تەڭگە بيۋدجەت قاراجاتىن جىمقىرعانى انىقتالعان.
سوت ۇكىمى بويىنشا ي.بەگاسيلوۆ 2 جىل 6 اي مەرزىمگە باس بوستاندىعىنان ايىرىلدى. ال ونىڭ ورىنباسارى ا.ەرنازاروۆ, زاڭگەر م.اينابەكوۆا جانە كاسىپكەر ي.مۋسليموۆ 2 جىلعا باس بوستاندىعىن شەكتەۋ جازاسىنا كەسىلدى. سونىمەن قاتار, بارلىق سوتتالعاندار ءومىر بويىنا مەملەكەتتىك قىزمەتتە جانە كۆازيمەملەكەتتىك سەكتوردا جۇمىس ىستەۋ قۇقىعىنان ايىرىلعان.
