فەتالدى حيرۋرگيا دەپ وتىرعانىمىز - ءتۋابىتتى تالاي كەسەلدىڭ الدىن الىپ جاتقان مەديتسينانىڭ جاڭا باعىتى.
وتاندىق باق وكىلدەرىنە سۇحبات بەرۋگە كەلىسكەن ىرىسجاننىڭ وتباسى دا ەگىزدەردىڭ ومىرگە كەلۋىن زارىعا كۇتكەن ەكەن. الايدا, جۇكتىلىگى 24 اپتاعا جەتكەن بولاشاق اناعا «فەتو-فەتالدى ترانسفۋزيالىق سيندروم» دياگنوزى قويىلادى. بۇرىن مۇنداي دياگنوزى بار شارانالار نە ءولى تۋاتىن, نە دارىگەرلەر كەڭەسىمەن تۇسىك جاسالاتىن. تۇسىنىكتى تىلمەن ايتقاندا, ىشتەگى ەگىزدەر ءبىر تامىرعا بايلانىپ, ءبىر بالا ءبىر بالاعا دونور بولىپ, ناتيجەسىندە ەكەۋى دە دۇرىس دامىمايدى. ەگەر بۇل وقيعا وسىدان بىرنەشە جىل بۇرىن ورىن السا, سوڭى مۇلدە قايعىلى سيپات الار ەدى. ويتكەنى, وتاندىق مەديتسينا ىشتەگى شارانادان وسىنداي كىنارات, ياكي باسقا دا اۋىتقۋلار تابىلعان جاعدايدا ونداي اياعى اۋى ايەلدەرگە كومەكتەسۋگە دارمەنسىز ەدى.
ەندى مىنە, جۋرناليستەرمەن كەزدەسۋگە ەگىزىمەنال-بۇل جايناپ كەلگەن ىرىسجانعا اياعى اۋىر بولعانىنا 31 اپتا تولعاندا الماتىداعى پەريناتولوگيا جانە بالالار كارديوحيرۋرگياسى ورتالىعىندا فەتالدى وپەراتسيا جاسالعان.
سونىمەن قازاقستاندا فەتالدى مەديتسينا 2023 جىلدان باستاپ قولعا الىنا باستادى دەسەك, سول جىلى قر دەنساۋلىق ساقتاۋ مينيسترلىگى مەن AYALA قايىرىمدىلىق قورى بىرلەسىپ, الماتى مەن استاناداعى فەتالدى مەديتسينا بولىمشەلەرىن اشىپ, حيرۋرگتار توبىن دايارلاي باستاعان ەدى.
ء«بىز بۇل جوبانىڭ تابىسقا جەتەتىنىنە ءاۋ باستان سەندىك. AYALA قورى جىلدار بويى مەملەكەتكە بالانىڭ تۋعانىنان باستاپ مۇگەدەكتىك دەڭگەيىن تومەندەتۋگە كومەكتەسىپ كەلەدى. ءبىز دارىگەرلەردىڭ بىلىكتىلىگىن ارتتىرۋمەن 10 جىلدان بەرى اينالىسىپ كەلەمىز. حالىقارالىق مامانداردىڭ جەتەكشىلىگىمەن وتكەن شەبەرلىك-دارىستەرىمىز بەن كۋرستارعا 2,3 مىڭنان استام قاتىستى. بۇل تاجىريبە بىزگە ەڭ قىسقا مەرزىمدە ۇزدىك پراكتيكتەردى تاۋىپ, وتاندىق فەتالدى حيرۋرگتەردى دايارلاۋدا سولاردىڭ قولداۋىنا يە بولۋعا سەپتەستى», دەدى AYALA قايىرىمدىلىق قورىنىڭ نەگىزىن قالاۋشى ءارى پرەزيدەنتى ايدان سۇلەيمەنوۆا.
استانا مەن الماتىداعى مەديتسينالىق ورتالىقتارعا فەتالدى حيرۋرگيانى ەنگىزۋ وتاندىق مەديتسينانى جاڭا دەڭگەيگە شىعاردى. ءوز كەزەگىندە AYALA قورى دارىگەرلەرىمىزگە شەتەلدىك جەتەكشى مامانداردان ءبىلىم الۋعا جول اشىپ بەردى. وعان قوسا اتالعان قور فەتالدى حيرۋرگيا بولىمشەلەرىن قاجەتتى مەديتسينالىق تەحنولوگيالامەن جابدىقتادى.
وسىلايشا, 2024 جىلدىڭ ماۋسىمىندا الماتىداعى پەريناتولوگيا جانە بالالار كارديوحيرۋرگياسى ورتالىعىندا حالىقارالىق ساراپشىلاردىڭ قاتىسۋىمەن العاشقى فەتالدى وتا جاسالدى, شىلدەدە استاناداعى «انا مەن بالا ورتالىعىندا» جاسالدى. قازىر قازاق دارىگەرلەرى فەتالدى وتالاردى وزدىگىنشە جاساي الادى. بار بولعانى ءبىر جىلدىڭ ىشىندە «فەتالدى حيرۋرگيا» جوباسى قازاقستاندا 35 قۇرساقىشىلىك وتا جاسالىپ, 32 نارەستەنىڭ ءومىرىن ساقتاپ قالۋعا مۇمكىندىك بەردى. تاياۋ بولاشاقتا دارىگەرلەر جىل سايىن 150-گە جۋىق فەتالدى وتا جاساي الادى.
مۇنداي جوبالار قوماقتى قاراجاتتى قاجەت ەتەتىندىكتەن, AYALA قورى «شەۆرون» كومپانياسىنىڭ قولداۋىمەن ۋدز دارىگەرلەرى مەن اكۋشەر-گينەكولوگتاردىڭ بىلىكتىلىگىن ارتتىرۋ ءۇشىن حالىقارالىق تاجىريبەلى ساراپشىلاردىڭ قاتىسۋىمەن كۋرستار وتكىزىپ كەلەدى.
«قازاقستاندا فەتالدى حيرۋرگيانى دامىتۋدىڭ تابىستىلىعى دەر كەزىندە قويىلعان دياگنوستيكاعا تاۋەلدى. ۇرىق دامۋىنداعى پروبلەمالار نەعۇرلىم ەرتە انىقتالعان سايىن, وپەراتسيا ناتيجەسى, ءالى ومىرگە كەلمەگەن شارانانىڭ دەنساۋلىعىن ساقتاۋ مۇمكىندىگى سوعۇرلىم جوعارى. AYALA قورىنىڭ ءبىلىم بەرۋ جوبالارىنا كورسەتىپ جاتقان قولداۋىمىز وتاندىق مەديتسينالىق كومەكتىڭ ساپاسىن ارتتىرىپ, تالاي وتباسىن قۋانىشقا بولەپ جاتقانىن مارتەبە تۇتامىز», دەيدى «شەۆرون» كومپانياسىنىڭ الەۋمەتتىك ينۆەستيتسيالار جونىندەگى ۇيلەستىرۋشىسى جانار قوشپانوۆا.
ءباسپاسوز ءماسليحاتىندا ماماندارىمىزدىڭ ۇرىق پاتولوگياسىنىڭ ساراپتامالىق ۋدز-دياگنوستيكاسى بويىنا بىلىمدەرى دەنساۋلىق ساقتاۋ مينيسترلىگىنىڭ ء«بىر كۇن كلينيكاسى» جوباسىندا دا كادەگە اسىپ جاتقانى تۋرالى باياندالدى. قازىر بۇل جوبا 15 مەملەكەتتىك پەريناتالدىق ورتالىقتىڭ بازاسىندا جۇزەگە اسىپ جاتىر جانە ۇرىقتىڭ دامۋىن جىلدام ءارى ءدال گەنەتيكالىق دياگنوستيكالاۋ ءۇشىن بارلىق قاجەتتى جابدىقتارمەن جابدىقتالعان.
سول سياقتى AYALA قورى الماتىدا دا «شەۆرون» كومپانياسىنىڭ قولداۋىمەن جوعارىداعىداي ەمحانانى جابدىقتاۋعا كومەكتەسكەنىن, بۇل جەردە 3,2 مىڭ ايەل دياگنوستيكادان ءوتىپ, قۇرساقتاعى پاتولوگيا قاۋپى جوعارى 151 جۇكتىلىك انىقتالعان. قازاقستان بويىنشا ء«بىر كۇن كلينيكالارىندا» ءتۋابىتتى كەسەلدەر دياگنوستيكاسىنان 30 مىڭ ايەل ءوتتى. ۇرىقتىڭ گەنەتيكالىق كىناراتىن ءدال دياگنوستيكالاۋ مەن قۇرساقىشىلىكوتا جاساۋ ءمامس ەسەبىنەن جۇرگىزىلىپ, دەنى ساۋ بالالاردىڭ ومىرگە كەلۋىنە سەپتەسىپ وتىر.
