فوتو: اقوردا
«قىمباتتى حانىمدار, سىزدەر, الەمگە ادەمىلىك پەن ۇيلەسىم, شاڭىراققا جىلىلىق پەن جايلىلىق سىيلاپ كەلەسىزدەر. سىزدەرگە وسكەلەڭ ۇرپاقتى تاربيەلەۋ, وتباسىلىق قۇندىلىقتاردى ىلگەرىلەتۋ سەكىلدى ايرىقشا جاۋاپكەرشىلىك جۇكتەلگەن. بارلىق سالادا ادال ەڭبەك ەتىپ, تاباندى دا ءتيىمدى جۇمىستارىڭىزبەن مەملەكەتىمىزدىڭ الەۋەتى مەن بەدەلىن نىعايتىپ جۇرسىزدەر. انالارى الاڭسىز قوعامدا بالالار دا باقىتتى ءومىر سۇرەدى. انا مەن بالانىڭ جاعدايى دۇرىس بولسا, الەۋمەتتىڭ جاعدايى دا دۇرىس بولادى. سوندىقتان بولاشاعىن ويلاعان ەل, ەڭ الدىمەن, ايەلدەردىڭ جاعدايىن جاقسارتۋدى ويلايدى», دەدى مەملەكەت باسشىسى.
مەملەكەت باسشىسى مەملەكەتتىڭ ايەلدەردى بارىنشا قورعاۋعا جانە جان-جاقتى قولداۋعا باسا ءمان بەرەتىنىن اتاپ ءوتتى.
«مەملەكەتىمىز ايەلدەردى بارىنشا قورعاۋعا جانە جان-جاقتى قولداۋعا باسا ءمان بەرەدى. وسى باعىتتا ناقتى جۇمىستار اتقارىلىپ جاتىر. مەنىڭ تاپسىرماممەن وتباسى ينستيتۋتىن نىعايتۋدى كوزدەيتىن ماڭىزدى شارالار قابىلداندى. بارلىق ايماقتا قيىن جاعدايعا تاپ بولعان وتباسىلارعا قولداۋ كورسەتەتىن ورتالىقتار اشىلىپ جاتىر. كوپ بالالى انالاردى قولداۋدىڭ ۇلتتىق مودەلى قالىپتاستى. سونىڭ ارقاسىندا جىل وتكەن سايىن كوپ بالالى وتباسىلاردىڭ سانى ارتىپ كەلەدى», دەدى پرەزيدەنت.
