قوستانايداعى بالالار بايقاۋىنىڭ باس جۇلدەسى الماتىعا كەتتى

قوستاناي. 4 مامىر. قوستانايدا «زولوتوي ميكروفون» حش حالىقارالىق بالالار ۆوكالدىق  بايقاۋى اياقتالدى. ونىڭ باس جۇولدەسىن الماتىلىق جاس دارىندى ءانشى  اسەت بالعازين  ەنشىلەدى. بۇل تۋرالى  egemen.kz ءتىلشىسى حابارلادى. بۇل ءداستۇرلى  بايقاۋ جىل سايىن ءورىس الىپ كەلەدى. وعان قازاقستان وبلىستارىمەن قاتار ەۋروپا ەلدەرىنەن, رەسەيدەن, ازەربايجاننان, ارمەنيادان بارلىعى 75 دارىندى بالالار قاتىستى.   بالالار ونەرى كومپوزيتور كەڭەس دۇيسەكەەۆ باسقاراتىن  كاسىبي قازىلاردىڭ قاتاڭ سىنىنان, تارازىسىنان وتەدى. ءۇش كۇنگە سوزىلعان بايقاۋدا جۇزدەن جۇيرىك, مىڭنان تۇلپارلار وزدى. ءبىرىنشى ورىندى ارقالىق قالاسىنان كەلگەن ايراۋ جۇسىپبەكوۆا, چەليابىلىك «پرودلەنكا» توبى, بولگاريالىق يۆان گايداروۆ يەلەندى. ەكىنشىورىندى قوستانايلىق تالانتتى بالالار اننا تىسلەنكو, رامين سارمۋرزينا, ءاليا ناميلياەۆا, ءادىل نۇرىشەۆ مەن استانالىق انەل سمايىلوۆا  بولىستى. ءۇشىنشى ورىن الماتىدان كەلگەن اراي تاستىبايعا,  استانالىق ماليكە سماعۇلوۆاعا, «Bionic» توبىنا,  ازەربايجاننان كەلگەن انجەليكا مۇرادوۆاعا, بەلورۋسسيادان كەلىپ قاتىسقان  يارينا الەكسەەۆاعا جانە قوستانايلىق ەكى ءانشى ەلدار احمەتبەكوۆ  مەن ەكاتەرينا كوۆالچۋكقا بۇيىردى. ال  بايقاۋدىڭ گران-پري سىيلىعىن الماتىلىق جاس تالانت اسەت بالعازين يەلەندى. وعان 300 مىڭ تەڭگەنىڭ سەرتيفيكاتى مەن پلانشەت سىيعا بەرىلدى. بايقاۋدىڭ رەجيسسەرى ءارى پروديۋسسەرى ۆياچەسلاۆ اۆدەەۆ: «زولوتوي ميكروفون» اياسى جىلدان جىلعا كەڭەيىپ, ول ناعىز شىعارماشىلىق تارتىستى سيپات الىپ كەلەدى. بيىلعى بايقاۋ «قوستاناي – بەيبىتشىلىك پەن دوستىق قالاسى» اتتى دەۆيزبەن ءوتتى. وسى بايقاۋدىڭ جەڭىمپازدارى ەلىمىزدىڭ عانا ەمەس, وزگە دە ەلدەر ونەرىنىڭ جۇلدىزىنا اينالادى. قوستانايدان ءالى دە  تالاي تالانت ۇشادى», دەدى. ءنازيرا جارىمبەتوۆا. دەرەك: egemen.kz سۋرەت: kst.news.kz