پەتروپاۆل. 4 مامىر. وبلىس ورتالىعىنداعى جەڭىس ساياباعىن قالپىنا كەلتىرۋ جۇمىستارى اياسىندا ولتۇستىكقازاقستاندىق كەڭەس وداعى باتىرلارىنىڭ ەسىمدەرى جازىلعان پيلون مەن ەلىمىزدى نەمىس باسقىنشىلارىنان ازات ەتۋشى جاۋىنگەرلەردىڭ جيىندىق وبرازىن بەينەلەيتىن ەڭسەلى ەسكەرتكىش ورناتىلدى. بۇل تۋرالى قالالىق اكىمدىكتىڭ ءباسپاسوز قىزمەتى حابارلادى.
بۇل شارالار جەڭىستىڭ 70 جىلدىعى قارساڭىندا وبلىس اكىمى ەرىك سۇلتانوۆتىڭ تاپسىرماسى بويىنشا اتقارىلۋدا. ساياباق جەڭىستىڭ 40 جىلدىعىندا اشىلعانىمەن, كوپ جىلدار بويى كۇتىمسىز قالعان بولاتىن. 2010 جىلى ساياباقتىڭ ورتالىق اللەياسى كۇردەلى جوندەۋدەن وتسە, بيىل جەرلەس باتىرلارىمىزدىڭ داڭق اللەياسى قۇرىلدى. اقپاراتتىق پيلوندارعا 66 سولتۇستىكقازاقستاندىق قاحارماننىڭ ەسىمدەرى جازىلدى. سونداي-اق ماسكەۋ, كۋرس ءيىنى, لەنينگراد قورعانىسى, ەۋروپا ەلدەرىن ازات ەتۋ, بەرليندى باسىپ الۋ وقيعالارىنا بايلانىستى باستى جورىقتار مەن شايقاستار تىزبەگى كورسەتىلگەن.
ال, جەڭىس ساياباعىندا ازات ەتۋشى جاۋىنگەرگە ارنالعان ەسكەرتكىشتىڭ بيىكتىگى 4,5 مەتر, سالماعى 3 تونناعا جۋىق. اۆتورى – جەرگىلىكتى ءمۇسىنشى سۆەتلانا بريۋتوۆا.
ءومىر ەسقالي.
دەرەك, سۋرەت: سولتۇستىك قازاقستان وبلىستىق اكىمدىگىنىڭ ءباسپاسوز قىزمەتى.
