سولتۇستىك قازاقستان سۋ قويمالارىنا 100 ميلليون ۋىلدىرىق جىبەرىلەدى

پەتروپاۆل. 4 مامىر. سولتۇستىك قازاقستان سۋ قويمالارىنا  سيگ, تۇقى, تابان بالىقتارىنىڭ 100  ميلليونعا جۋىق ۋىلدىرىعىن جىبەرۋ  ءۇشىن مەملەكەتتىك قازىنادان 54 ميلليون تەڭگە قاراجات قاراستىرىلدى. بۇل تۋرالى  ورمان شارۋاشىلىعى جانە جانۋارلار الەمىن قورعاۋ اۋماقتىق ينسپەكتسيانىڭ ماماندارى حابارلادى. مۇنداي تاجىريبە وڭىردە العاش رەت قولدانىلىپ وتىر.  «پەتروپاۆل بالىق پيتومنيگى»  كوممۋنالدىق كاسىپورنىنىڭ قىزمەتكەرلەرى  ۋىلدىرىقتاردى  6 اي بويى ارنايى  «ۆەيس» اپپاراتتاردا ءوسىرىپ, ينكۋباتسيالىق  تالاپتار مۇلتىكسىز ورىندالعان. «70 پوليەتيلەن قاپتارعا سالىنعان ۋىلدىرىقتاردىڭ  العاشقى پارتياسى قىزىلجار اۋدانىنا قاراستى  نوۆوكامەنكا  ماڭىنداعى سۋ توعاندارىنا جىبەرۋگە  جونەلتىلدى.  تاياۋ كۇندەرى سەرگەەۆكا سۋ قويماسىنا 48 ميلليونداي ۋىلدىرىق شاشۋ جوسپارلانعان.   بالىقتاندىرۋ ىسىمەن كۇزگە دەيىن  اينالىساتىن بولامىز»,– دەيدى  «پەتروپاۆل بالىق  پيتومنيگى» رمكك-ءنىڭ ديرەكتورى ەرجان جۇماباەۆ. مامانداردىڭ ايتۋىنشا,  كۇزگە سالىم سيگ ۋىلدىرىقتارىنىڭ سالماعى 150 گراممعا,  ۇزىندىعى 25 سانتيمەترگە جەتەتىن بولادى. ءومىر ەسقالي. دەرەك: سولتۇستىك قازاقستان وبلىستىق ورمان شارۋاشىلىعى جانە جانۋارلار الەمىن قورعاۋ اۋماقتىق ينسپەكتسياسى. سۋرەت: egemen.kz