فوتو: ۆيدەودان الىنعان كادر
الەۋمەتتىك جەلىلەردە تاراعان بەينەجازبادا پاترۋلدىك پوليتسيا قىزمەتكەرلەرى جىلدامدىقتى اسىرعان Lexus كولىگىن توقتاتقانىمەن, جۇرگىزۋشى ولارعا اگرەسسيۆتى جاۋاپ بەرىپ, ەشقانداي جازاعا تارتىلماستان وقيعا ورنىنان كەتكەنى كورسەتىلگەن. ول ءوز سوزىندە 11 جىلدىق جۇرگىزۋشىلىك تاجىريبەسى بار ەكەنىن ايتىپ, پوليتسيا قىزمەتكەرلەرىنىڭ ءنومىرىن «ەستە ساقتاپ الۋ كەرەكتىگىن» مالىمدەگەن.
قوستاناي – اۋليەكول – سۋرعان تاس جولىندا بولعان بۇل وقيعاعا قاتىستى قىزمەتتىك تەكسەرۋ جۇرگىزىلگەن. ناتيجەسىندە جۇرگىزۋشىنىڭ جىلدامدىق رەجيمىن بۇزعانى انىقتالعان. الايدا ينسپەكتورلار وعان شارا قولدانباعان. وسىعان بايلانىستى تارتىپتىك كوميسسيانىڭ شەشىمىمەن ەكى پوليتسيا قىزمەتكەرى جۇمىستان شىعارىلدى.
قۇقىق بۇزۋشىنىڭ اكىمشىلىك جاۋاپكەرشىلىككە تارتىلۋى بويىنشا جەكە تەكسەرۋ جۇرگىزىلىپ, ءتيىستى شارالار قابىلداناتىنى حابارلاندى.
