فوتو: ۇكىمەتتىڭ ءباسپاسوز قىزمەتى
ءمينيستردىڭ ايتۋىنشا, قارجىنىڭ باسىم بولىگىن رەسپۋبليكالىق بيۋدجەتتەن ءبولۋ جوسپارلانعان. سونىمەن قاتار ەۋروپا قايتا قۇرۋ جانە دامۋ بانكى ەسەبىنەن 6,5 ملرد تەڭگە, يسلام دامۋ بانكى ەسەبىنەن 24,4 ملرد تەڭگە بولىنەدى.
«جوبالاردى ىسكە اسىرۋدىڭ نەگىزگى باعىتتارىنىڭ ءبىرى – جالپى حالىق سانى 423 مىڭ ادامدى قۇرايتىن 153 ەلدى مەكەندى ساپالى اۋىز سۋمەن قامتاماسىز ەتۋ. وسى ماقساتقا جەتۋ ءۇشىن جىل سوڭىنا دەيىن توپتىق سۋ قۇبىرىنىڭ 24 جوباسىنىڭ 12-ءسىن اياقتاۋ جوسپارلانىپ وتىر», دەدى ول.
سونىمەن قاتار بيىل 256 مىڭ گەكتار جۇكتەلگەن اۋماقتى قامتيتىن 1953 شاقىرىم سۋارۋ كانالدارى پايدالانۋعا بەرىلمەك. اتالعان جۇمىستاردىڭ جالپى قۇنى 92,3 ملرد تەڭگەنى قۇراعان, بۇل ەلىمىزدىڭ اگرارلىق سەكتورىن دامىتۋعا زور ۇلەس قوسادى.
