قوستانايدا پارا العان شەنەۋنىككە سوت 12 ميلليون تەڭگە ايىپ سالدى

قوستاناي. 4 مامىر. قوستانايدا ءادىل سوت 200 مىڭ پارا العان شەنەۋنىككە ونىڭ كولەمىنە 60 ەسە ارتىق, ياعني 12 ميلليون تەڭگە ايىپ سالدى جانە  مەملەكەتتىك قىزمەتتە ىستەۋ قۇقىعىنان ءومىر بويى ايىردى. بۇل تۋرالى egemen.kz ءتىلشىسى حابارلادى. قوستاناي قالاسىنداعى سالت-جورالار قىزمەتىن كورسەتەتىن «ستيكس» جاۋاپكەرشىلىگىنىڭ  ەكس-ديرەكتورى بەرىك قۇرامىسوۆ  قالا تۇرعىنى ماكسيم چۋەسەنكودان قالالىق بەيىتتەگى داڭق اللەياسىنا جەرلەنگەن اكەسى مولاسىنىڭ قورشاۋىن كىشىرەيتپەۋ ءۇشىن 200 مىڭ تەڭگە پارا سۇراعان. ماكسيم وعان كەلىسكەن بولادى دا, ونى پوليتسياعا حابارلايدى. ب.قۇرامىسوۆ ءوزىنىڭ كابينەتىندە ۇستالادى. ودان 200 مىڭ تەڭگە مەن تاعى دا 15200 دوللار تابىلادى. سوتتا قۇرامىسوۆ كىناسىن مويىندادى. سوت وعان العان پاراسىنان 60 ەسە ارتىق ايىپ سالدى, ياعني ەندى ول 12 ميلليون تەڭگە ايىپ پۇل تولەيدى, سونىمەن قاتار كابينەتىنەن تابىلعان 15200 دوللار اقشا دا مەملەكەت پايداسىنا تاركىلەندى. ەڭ باستىسى, سوت شەشىمىمەن ەندى قۇرامىسوۆقا مەملەكەتتىك قىزمەت ەسىگى ماڭگى جابىلدى. ءنازيرا جارىمبەتوۆا. دەرەك, سۋرەت: ng.kz