فوتو: inform.kz
ۇكىمەت وتىرىسىندا كولىك ءمينيسترى مارات قاراباەۆ قالعان 3,6 مىڭ شاقىرىم بويىنشا قارجىلاندىرۋ ماسەلەسى حالىقارالىق قارجى ينستيتۋتتارىمەن تالقىلانىپ جاتقاندىعىن اتاپ ءوتتى. قۇرىلىس جۇمىستارىن جۇرگىزۋ حالىقارالىق قارجى ينستيتۋتتارىنىڭ ەسەبىنەن جۇزەگە اسىرىلادى دەپ بولجانىپ وتىر.
«بۇل «جەزقازعان – قاراعاندى», «اقتوبە – ۇلعايسىن», «اتىراۋ – دوسسور» جاڭا جوبالارى, سونداي-اق سارىاعاش, رۋدنىي جانە قىزىلوردا قالالارىن اينالىپ وتەتىن جولدار. وسى جوبالاردى ىسكە اسىرۋ ءۇشىن حقدب, ەقدب, ادب جانە باسقالارىن قوسقاندا, حالىقارالىق قارجى ينستيتۋتتارىمەن جەڭىلدەتىلگەن قارجى ءبولۋ تۋرالى ۋاعدالاستىققا قول جەتكىزىلدى», دەدى ول.
ونىڭ ايتۋىنشا, تەندەرلەرگە قاتىسۋ كەزىندە وتاندىق كومپانيالارعا پرەفەرەنتسيالار بەرە وتىرىپ, كونكۋرستىق شارتتاردى قايتا قاراۋ ماڭىزدى قادام بولعان.
«بۇل قازاقستاندىق كاسىپورىنداردى قۇرىلىس جۇمىستارىنا كوبىرەك تارتۋعا مۇمكىندىك بەردى. ماسەلەن, «قاراعاندى – جەزقازعان» جوباسى بويىنشا تەندەرگە قاتىسۋشىلار سانى 2-دەن 10-عا دەيىن ءوستى», دەدى مارات قاراباەۆ.
