فوتولار: توتەنشە جاعدايلار مينيسترلىگىنىڭ ءباسپاسوز قىزمەتى
«576 شاقىرىم قورعانىس بوگەندەرى مەن بىلىكتەرى تۇرعىزىلىپ, 822 شاقىرىم درەناج جۇيەلەرى, كانالدار مەن ارىقتار جوندەلىپ سالىنعان. اۆتوموبيل جانە تەمىرجول قاتىناستارىندا 960 سۋ وتكىزۋ قۇرىلىستارى ورناتىلىپ, اۋىستىرىلدى. 74 وزەننىڭ قاۋىپتى ۋچاسكەلەرىندە 500 شاقىرىمعا جۋىق ءتۇبىن تەرەڭدەتۋ, جاعالاۋدى نىعايتۋ, ارنالاردى تازارتۋ سەكىلدى جۇمىستار جۇرگىزىلدى. زارداپ شەككەندەردى قابىلداۋدىڭ 3,5 مىڭنان استام پۋنكتى دايىندالىپ, بروننان بوساتىلعان جاعدايدا تىرشىلىكتى قامتاماسىز ەتۋ قۇرالدارى مەن مەملەكەتتىك ماتەريالدىق رەزەرۆ تەحنيكاسى ايقىندالعان», دەلىنگەن تجم حابارلاماسىندا.
اتالعان شارالاردىڭ بارلىعى حالىقتىڭ قاۋىپسىزدىگىن ارتتىرۋعا جانە ىقتيمال سۋ تاسقىنىنان بولاتىن زالالدى بارىنشا ازايتۋعا باعىتتالعان.
