فوتو: وقۋ-اعارتۋ مينيسترلىگى
وقۋ-اعارتۋ مينيسترلىگىنىڭ مالىمەتىنشە, بىلتىر عىلىمي زەرتتەۋلەرمەن اينالىساتىن مۇعالىمدەردىڭ ۇلەسى 1,6 ەسە وسكەن. ال پەداگوگتەر اراسىنداعى ماگيسترلەر سانى رەكوردتىق 27,9 مىڭ ادامعا جەتكەن. بۇدان بولەك, مينيسترلىك پەداگوگتەر اراسىنان كادرلىق رەزەرۆتى قالىپتاستىرۋعا باعىتتالعان ء«بىلىم بەرۋدەگى وزگەرىستەردىڭ 1000 كوشباسشىسى» جوباسىن ىسكە اسىرىپ جاتىر.
تالقىعا قاتىسقان وقۋ-اعارتۋ مينيستر عاني بەيسەمباەۆ پەداگوگيكالىق عىلىمدى دامىتۋ ورتالىعى مۇعالىمدەردىڭ بىلىكتىلىگىن ارتتىرۋعا سەرپىن بەرەتىنىن اتاپ ءوتتى.
ء«بىلىمنىڭ ساپالى بولۋى ۇستازدىڭ مىقتىلىعىنا بايلانىستى. بۇل ءبىلىم بەرۋ ينستيتۋتى پەداگوگيكالىق زەرتتەۋلەردى جۇيەلى دامىتۋعا, مۇعالىمدەردىڭ عىلىمي الەۋەتىن كۇشەيتۋگە جانە بولاشاق مامانداردى دايىنداۋ دەڭگەيىن ارتتىرۋعا مۇمكىندىك بەرەدى», دەدى عاني بەيسەمباەۆ.
جيىن بارىسىندا ءال-فارابي اتىنداعى قازۇۋ مەن ى.التىنسارين اتىنداعى ۇلتتىق ءبىلىم اكادەمياسى اراسىنداعى ىنتىماقتاستىق تۋرالى مەموراندۋمعا قول قويىلدى. كەلىسىم نەگىزىندە پەداگوگيكا سالاسىنداعى عىلىمي زەرتتەۋلەر الاڭىنا اينالاتىن پەداگوگيكا عىلىمىن دامىتۋ ورتالىعى قۇرىلادى.
