فوتو: sknews.kz
وسى ماقساتتا كومپانيا مەملەكەتتىك ورگاندارعا ءوتىنىش جولداۋدى جوسپارلاپ وتىر.
وتىنىشتە قوزعالىس قاۋىپسىزدىگىن بۇزۋعا, جول-كولىك وقيعالارىنا, سونداي-اق بەلگىلەنبەگەن جەرلەردەن تەمىر جولدارى ارقىلى وتۋگە, جول بويىنداعى جولاقتاردا مال جايعاندارعا اكىمشىلىك-قىلمىستىق جاۋاپكەرشىلىكتى قاتاڭداتۋ سۇرالادى.
قتج مالىمەتىنشە, وسى جىلدىڭ قاڭتار-اقپانىندا تەمىر جول وتكەلىندە 4 جول-كولىك وقيعاسى بولعان.
«1 ناۋرىزدا اتىراۋ وبلىسىنداعى تەڭدىك ستانتسياسىنىڭ تەمىرجول وتكەلىندە جۇك كولىگى جۇك پويىزىمەن سوقتىعىستى. وقيعاعا جۇك كولىگىنىڭ يەسى سەبەپ بولعانى انىقتالدى. اپات سالدارىنان لوكوموتيۆ بريگاداسىنىڭ قىزمەتكەرلەرى زارداپ شەگىپ, لوكوموتيۆ پەن 11 بوس ۆاگون رەلستەن شىعىپ كەتتى», دەلىنگەن كومپانيا حابارلاماسىندا.
ال بىلتىر تەمىرجول وتكەلدەرىندە 26 جول-كولىك وقيعاسى تىركەلگەن.
