ناتاليا جۇمادىلداەۆا زياندى كونتەنت بالالارعا عانا ەمەس, سىني ويلاۋى دامىماعان ەرەسەكتەرگە دە اسەر ەتەتىنىن ايتتى.
«كەز كەلگەن زياندى كونتەنت بالاعا دا, ەرەسەك ادامعا دا اسەر ەتەدى. وسى الەۋمەتتىك جەلىنى ويلاپ تاپقان قىتايدىڭ وزىندە بالالارعا TikTok-تا وتىرۋعا تاۋلىگىنە 40 مينۋت قانا ۋاقىت بەرىلەدى. بۇعان قوسا بالا ءبىلىم جانە دامىتاتىن كونتەنتتى عانا قاراي الادى», دەپ باسا ايتتى ۆيتسە-مينيستر.
ونىڭ ايتۋىنشا, قازاقستاندا مۇنداي شەكتەۋلەر جوق, بالالار مەن ەرەسەكتەر مۇلدەم باسقا كونتەنتتى تۇتىنادى.
ناتاليا جۇمادىلداەۆا وقۋ-اعارتۋ مينيسترلىگى TikTok-تى شەكتەۋ باستاماسىن قولدايتىنىن ايتتى.
«قۇقىقتىق بازا اياسىندا ءبىز مۇنداي باستامالاردى مىندەتتى تۇردە قولدايتىن بولامىز», دەدى ول.
