ەلباسى «شەلل» كونتسەرنىنىڭ اتقارۋشى باس ديرەكتورى بەن ۆان بەردەندى قابىلدادى

استانا. 4 مامىر. ەلباسى «شەلل» كونتسەرنىنىڭ اتقارۋشى باس ديرەكتورى بەن ۆان بەردەندى قابىلدادى. بۇل تۋرالى akorda.kz حابارلادى. كەزدەسۋ بارىسىندا كومپانيانىڭ قازاقستانداعى جۇمىسى جانە ەلىمىزدىڭ مۇناي-گاز سالاسىن دامىتۋعا قاتىسۋ ماسەلەلەرى تالقىلاندى. سونداي-اق, ىنتىماقتاستىقتىڭ ءتۇرلى ينۆەستيتسيالىق جوبالاردى جۇزەگە اسىرۋ ماسەلەسىن قامتيتىن پەرسپەكتيۆالى باعىتتارى دا ءسوز بولدى. تاراپتار ءوزارا ءىس-قيمىل اياسىن ودان ءارى جانداندىرۋ مەن كەڭەيتۋدىڭ ماڭىزدىلىعىن اتاپ ءوتتى. قازاقستان پرەزيدەنتى كومپانيا قىزمەتىندەگى وزگەرىستەرگە, ونىڭ «بي دجي گرۋپپ» كومپانياسىمەن بىرىگۋى جوسپارلانىپ وتىرعانىنا نازار اۋداردى. نۇرسۇلتان نازارباەۆ قازاقستان ەكونوميكاسىنداعى ءىرى ينۆەستوردىڭ ءبىرى رەتىندە «شەلل» قاشاعان كەنىشىن يگەرۋ جوباسىندا ماڭىزدى ءرول اتقاراتىنىن ايتتى. مەملەكەت باسشىسى كومپانيانىڭ مىندەتتەمەلەرىنە وزگەرىستەر وڭ ىقپال ەتەدى دەپ ۇمىتتەنەتىنىن جەتكىزدى. بەن ۆان بەردەن نۇرسۇلتان نازارباەۆتى قازاقستان پرەزيدەنتى لاۋازىمىنا قايتا سايلانۋىمەن قۇتتىقتاپ, بۇل سايلاۋ ەل ءۇشىن عانا ەمەس, شەتەلدىك ينۆەستورلار ءۇشىن دە تۇراقتىلىقتىڭ ايعاعى بولىپ سانالاتىنىن ايتتى. سونىمەن قاتار, «شەلل» كونتسەرنىنىڭ اتقارۋشى ديرەكتورى مەملەكەت باسشىسىنىڭ بىلتىر يادرولىق قاۋىپسىزدىك جونىندەگى سامميتكە قاتىسۋ ءۇشىن نيدەرلاندىعا ساپارلاپ بارعانىندا وعان «پرەزيدەنت نازارباەۆ» دەپ اتالعان قىزعالداقتىڭ جاڭا سورتى تانىستىرىلعانىن ەسكە سالدى. سوعان وراي بەن ۆان بەردەن نۇرسۇلتان نازارباەۆقا گوللانديادان اكەلىنگەن وسى سورتتىڭ جاڭا كەسىلگەن گ ۇلىن سىيلادى. ەلامان قوڭىر. دەرەك, سۋرەت: akorda.kz.