ء«بىز وسى ورتالىقتى اشۋ ارقىلى مۇگەدەكتىگى بار بالالارعا جاڭا مۇمكىندىكتەر ۇسىنىپ, ولاردىڭ قوعامعا بەيىمدەلۋىنە كومەكتەسۋدى ماقسات ەتىپ وتىرمىز. يپپوتەراپيا بالالاردىڭ فيزيكالىق جانە ەموتسيونالدىق تۇرعىدا دامۋىنا ۇلكەن اسەر ەتەدى. سونىمەن قاتار, بۇل بالالاردىڭ ءوز-وزدەرىنە دەگەن سەنىمىن ارتتىرىپ, ولاردىڭ ءومىر ءسۇرۋ ساپاسىن جاقسارتادى», دەدى اشىلۋ سالتاناتىندا ءسوز العان الماتى وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى ايگۇل احمەتوۆا.
ورتالىقتا جوعارى بىلىكتى ماماندار مەن اتتاردى تاربيەلەۋ بويىنشا ارنايى ماماندار جۇمىس ىستەيتىن بولادى. مۇندا بالالار دەنساۋلىقتارىن قالپىنا كەلتىرۋ ءۇشىن تەك اتپەن سەرۋەندەپ قانا قويماي, وزدەرىنە دەگەن سەنىمدىلىك, سابىرلىلىق جانە ەموتسيالىق تۇراقتىلىق داعدىلارىن دا يگەرەدى.
«يپپوتەراپيا ورتالىعىنىڭ اشىلۋى – مۇگەدەكتىگى بار بالالار ءۇشىن قوعامدا تەڭ مۇمكىندىكتەر جاساۋدىڭ ءبىر بولىگى بولىپ تابىلادى. سوندىقتان ولاردىڭ وتباسىلارى ءۇشىن دە ۇلكەن قۋانىش. ورتالىققا كەلگەن بالالار ساۋىعىپ, باقىتتى بالالىق شاققا بولەنسىن», دەگەن تالعار اۋدانى اكىمىنىڭ كەڭەسشىسى, ءى توپتاعى مۇگەدەكتىگى بار مارات جاپاروۆ ورتالىقتىڭ جۇمىسىنا ساتتىلىك تىلەدى.
جاڭا اشىلعان ورتالىق – بالالاردىڭ ءومىرىن جاقسارتۋعا جانە ولاردىڭ قوعامعا بەي̆ىمدەلۋىنە ۇلكەن ىقپال ەتەتىن بولادى.
