قازىر قوستاناي كوللەدجدەرىنىڭ ۇگىت-ناسيحات بريگادالارى جاستارعا كاسىپتىك باعدار بەرۋ, سولتۇستىككە وقۋعا شاقىرۋ ماقساتىمەن ەلىمىزدىڭ وڭتۇستىك وڭىرلەرىن ارالاپ ءجۇر.
«ەكىنشى اي قاتارىنان الماتى, جامبىل, تۇركىستان, قىزىلوردا جانە جەتىسۋ وبلىستارىندا كاسىپتىك باعدار بەرۋ جۇمىستارى جۇرگىزىلىپ جاتىر. 20-24 قاڭتار ارالىعىندا قۇرامىندا كوللەدج ديرەكتورلارى مەن مۇعالىم ماماندار بار ۇگىت-ناسيحات بريگادالارى جۇمىسىنىڭ ءبىرىنشى تولقىنى ءوتتى. ولار جۇمىس تاپشىلىعى بار وڭىرلەردى ارالىپ, 87 مەكتەپتە ءبىلىم الىپ جاتقان 7 مىڭنان استام وقۋشىمەن كەزدەسىپ قايتتى. 24 اقپاندا كاسىپتىك باعدار بەرۋ توپتارى ەكىنشى ساپارعا اتتاندى. ولار بەس كۇن ىشىندە قىزىلوردا وبلىسى قارماقشى اۋدانىنا قاراستى 23 مەكتەپكە, الماتى وبلىسى ۇزىناعاش اۋدانىنىڭ 19 مەكتەبىنە, قاراساي اۋدانىنىڭ 21 مەكتەبىنە, تۇركىستان وبلىسى بايدىبەك اۋدانىنىڭ, جەتىسۋ وبلىسى اقسۋ, سارقان, الاكول اۋداندارىنىڭ مەكتەپتەرىنە, جامبىل وبلىسى جامبىل, مەركى, تالاس, جۋالى اۋداندارىنداعى ءبىلىم وشاقتارىنا بارۋدى جوسپارلاپ وتىر», دەيدى وبلىستىق ءبىلىم باسقارماسىنىڭ ءباسپاسوز حاتشىسى اننا لازارەۆا.
2014 جىلدان 2021 جىلعا دەيىن قوستاناي وبلىسىنداعى 10 كوللەدجدە الماتى, وڭتۇستىك قازاقستان, جامبىل, قىزىلوردا, ماڭعىستاۋ وبلىستارىنان ۇزىن سانى 337 سەرپىندىك جاس كاسىبي ءبىلىم الىپ شىققان.
