فوتو: Asian Boxing Confederation
76-شى «ستراندجا كۋبوگى» اياسىندا بۇگىن سەرىك تەمىرجانوۆ وزبەكستاندىق ابدۋماليك حالوكوۆقا قارسى شارشى الاڭعا شىعۋ كەرەك ەدى. الايدا قارسى تاراپ جۇدىرىقتاسۋدان باس تارتتى. كورشى ەلدىڭ بوكس فەدەراتسياسى وزدەرىنىڭ بۇل ارەكەتىن ابدۋماليك حالوكوۆتىڭ كاسىبي بوكستاعى كەزدەسۋ ۋاقىتىنىڭ وزگەرۋىمەن ءتۇسىندىردى.
«ابدۋماليك حالوكوۆتىڭ كاسىبي رينگتەگى ەكىنشى جەكپە-جەگى بەلگىلەنگەن ۋاقىتتان ەرتەرەك وتەدى. وسىعان بايلانىستى ول يسپانياعا ۇشىپ كەتەدى», دەلىنگەن حابارلامادا.
ال كەشە جەرەبە بويىنشا 67 كەلىدە قازاقستاندىق تورەحان سابىرحاننىڭ قارسىلاسى اتانعان اسادحۋدجا مۋيدينحوجاەۆ جاراقاتىنا بايلانىستى جەكپە-جەكتەن باس تارتقان.
وسىلايشا وزبەكستاندىق پاريج وليمپياداسى چەمپيوندارىنىڭ رينگكە شىقپايتىنى جارىس باستالۋىنا ساناۋلى ساعات قالعاندا بەلگىلى بولىپ وتىر.
