اتالعان دەرەك بويىنشا باقىلاۋشى ورگاندار تەكسەرۋ جۇمىسىن جۇرگىزگەن. ناتيجەسىندە اۋداندىق پروكۋراتۋرا قىزمەتكەرلەرى «ماقتارال» قوعامدىق تاماقتانۋ ورتالىعىنىڭ تەحنيكالىق سيپاتتامالارىن زەردەلەي كەلە, نىساننىڭ جوعارىدا اتالعان ساناتقا جاتپايتىنىن انىقتاعان.
«اۋداندىق پوليتسيا ءبولىمى كاسىپكەرلىك سۋبەكتىسىنە قاتىستى تەكسەرۋ جۇرگىزىپ, ناتيجەسىندە اقبتك-ءنىڭ 149-بابىمەن اكىمشىلىك قۇقىق بۇزۋشىلىق تۋرالى حاتتاما تولتىرعان. اتالعان قۇقىق بۇزۋشىلىق ءۇشىن 200 اەك نەمەسە 738 400 تەڭگە مولشەرىندە ايىپپۇل كوزدەلگەن.
پروكۋرورلىق قاداعالاۋ اكتىسىمەن تەكسەرۋ تاعايىنداۋ تۋرالى قاۋلى مەن اكىمشىلىك قۇقىق بۇزۋشىلىق تۋرالى حاتتامانىڭ كۇشى جويىلدى, كىنالى لاۋازىمدى تۇلعالار تارتىپتىك جاۋاپتىلىققا تارتىلدى. سونىمەن قاتار, جامبىل وبلىسى اكىمىنىڭ 14.01.2025 جىلعى قاۋلىسىمەن كاسىپكەرلىك سۋبەكتىسى تەرروريستىك تۇرعىدان وسال وبەكتىلەردىڭ تىزبەسىنەن الىندى», دەلىنگەن وبلىستىق پروكۋراتۋرانىڭ ءباسپاسوز قىزمەتى تاراتقان اقپاراتتا.
