جامبىل وبلىسى اكىمدىگىنىڭ ءباسپاسوز قىزمەتى كەلتىرگەن دەرەككە جۇگىنسەك, جامبىلدىق دەلەگاتسيا مۇشەلەرى تۇركيالىق ارىپتەستەرىنە ءوڭىردىڭ ينۆەستيتسيالىق مۇمكىندىكتەرىن تانىستىرعان. مەرسيندىك ىسكەر توپتارمەن توپتارىمەن تاجىريبە الماسۋ, وندىرىستىك كووپەراتسيا جانە ينۆەستيتسيالىق ىنتىماقتاستىق, جەتەكشى ونەركاسىپتىك كومپانيالارمەن سەرىكتەستىك بايلانىس ورناتۋ ماسەلەسى بويىنشا كەلىسسوزدەر جۇرگىزگەن.
جامبىلدىق دەلەگاتتارمەن بىرگە جۇرگەن ەلىمىزدىڭ تۇركياداعى توتەنشە جانە وكىلەتتى ەلشىسى ەركەبۇلان ساپيەۆ, باس كونسۋل قۋات قانافەەۆ, مەرسين شاھارىنداعى قۇرمەتتى كونسۋل احمەت بۋدان بىرقاتار يندۋستريالىق-ونەركاسىپتىك ايماقتى ارالاپ, باۋىرلاس ەلدىڭ ەكونوميكالىق الەۋەتىمەن تانىستى.
وبلىس باسشىسى باستاعان توپ اككۋيۋ اتوم ەلەكتر ستانساسىنا ىرگەلەس جاتقان اۋدانداردىڭ ەكونوميكالىق دامۋ ديناميكاسىنا ايرىقشا نازار اۋداردى. مەرسيندىكتەردىڭ ايتۋىنشا, اتقارىلعان جۇمىستار گيۋلنار جانە سيليفكە اۋداندارىنىڭ ەكونوميكاسىن 40 پايىزعا ەسەلەگەن.
ءىسساپار بارىسىندا اتوم ەلەكتر ستانساسى قۇرىلىسىنىڭ مۋلتيپليكاتيۆتى اسەرى تۋرالى دا ەگجەي-تەگجەي اڭگىمە ايتىلدى. دەرەككە سەنسەك, اەس قۇرىلىسى الاڭىنىڭ جانىنداعى جۇمىسشىلارعا ارنالعان تۇرعىن ءۇي كەشەنىنە بار. مۇندا بارلىعى 3200 ادامعا ارنالعان 24 جاتاقحانا سالىنعان.
ەربول قاراشوكەەۆ Medcem Cement Group باسشىلىعىمەن قۇرىلىستى دامىتۋدى ىنتالاندىرۋ جانە قۇرىلىس يندۋسترياسىنا الەمدىك ستاندارتتاردى ەنگىزۋ بويىنشا بەلسەندى شارالاردى تالقىلادى. Medcem Cement زاۋىتى – جىلدىق قۋاتى 6,6 ملن توننا ءونىم شىعاراتىن الەمدەگى ەڭ ءىرى تسەمەنت زاۋىتتارىنىڭ ءبىرى.
جامبىل وبلىسىنىڭ كاسىپكەرلەرى تۇركيالىق ارىپتەستەرىنە ءوڭىردىڭ باي مينەرالدىق-شيكىزات رەسۋرستارى تۋرالى ايتىپ, تاجىريبەلەرىمەن ءبولىسىپ, ودان ءارى ىنتىماقتاستىقتىڭ نەگىزگى باعىتتارىن ۇسىندى.
دەلەگاتسيا مۇشەلەرى اتوم ەلەكتر ستانتسياسىنىڭ بولاشاق جۇمىسشىلارى ءۇشىن سالىنىپ جاتقان ۇلكەن تۇرعىن ءۇي كەشەنىنىڭ قۇرىلىسىن مىسالعا الا وتىرىپ, مەرسيندەگى قۇرىلىس يندۋسترياسىنىڭ الەۋەتى تۋرالى تەرەڭىرەك ءبىلدى. ءار ءتۇرلى كولەمدەگى پاتەرلەردەن بولەك, نىسان اۋماعىندا بالاباقشالار, مەكتەپتەر, بيزنەس, دەنساۋلىق ساقتاۋ, سپورت نىساندارى, ويىن الاڭدارى, قوناق ءۇي, مادەنيەت ورتالىعى سالىنادى, كولىكتەرگە ارنالعان ەلەكتر زاريادتاۋ ستانتسيالارى, شاتىرلاردا ەلەكتر قۋاتىن وندىرەتىن كۇن باتارەيالارى بولادى.
جامبىل وبلىسىنىڭ اكىمى تۇرعىن ءۇي قۇرىلىسى بويىنشا تۇركيالىق تاراپتىڭ تاجىريبەسىن زەردەلەپ, جاۋاپتى ازاماتتارعا جاڭا تەحنولوگيالاردى ەنگىزۋدى تاپسىردى. مەرسيننىڭ يندۋستريالىق-ونەركاسىپتىك ايماعىنا ساپار بارىسىندا ءوندىرىس ورىندارىمەن تانىسىپ, بىرلەسكەن كاسىپورىندار قۇرۋ ماسەلەسىن تالقىلادى. اتاپ ايتقاندا, دەلەگاتسيا Yılbor Boru پلاستيك قۇبىرلار زاۋىتىن, Gökmak بولات كونسترۋكتسياسى مەن جەلدەتۋ جۇيەسى زاۋىتىن, سونداي-اق Berdan Çevata بەكىتكىش ءوندىرۋ زاۋىتىن ارالادى.
Arbel Group ءداندى جانە بۇرشاق داقىلدارىن قايتا وڭدەۋ زاۋىتىندا اۋىل شارۋاشىلىعى ونىمدەرىن ءوندىرۋ جانە قايتا وڭدەۋ جونىندەگى جوبالاردى بىرلەسىپ ىسكە اسىرۋ جونىندەگى جوسپارلار زەردەلەندى.
Ulusu Pompa سورعى جابدىقتارىنىڭ كەڭ اۋقىمىن وندىرۋگە ماماندانعان كومپانيا. بۇل باعىت جەر استى سۋلارىن ءتيىمدى پايدالانۋ جانە ۇڭعىمالاردى بۇرعىلاۋ بويىنشا اۋقىمدى جۇمىستاردى ەسكەرە وتىرىپ, جامبىل وبلىسى ءۇشىن وزەكتى بولىپ وتىر. Asya sera كومپانياسى جىلىجاي قۇرىلىسىنا ارنالعان بەرىك كونسترۋكتسيالار شىعارۋ جوبالارىن ۇسىندى.
وبلىس اكىمى كومپانيالاردى جامبىل وبلىسىندا جوعارى تەحنولوگيالىق ءوندىرىس ورىندارىن اشۋعا شاقىرىپ, كاسىپكەرلىكتى قولداۋ شارالارى, ونىڭ ىشىندە جاڭا كاسىپورىندار ءۇشىن دايىن وندىرىستىك الاڭدار بەرۋ تۋرالى ايتتى.
ەكى جاقتى كەزدەسۋ بارىسىندا ەربول قاراشوكەەۆ پەن مەرسين پروۆينتسياسىنىڭ گۋبەرناتورى اتيللا توروس ءتۇرلى سالالارداعى ستراتەگيالىق ارىپتەستىكتى ودان ءارى نىعايتۋ جانە كەڭەيتۋ الەۋەتتەرىن تالقىلادى. جامبىل وبلىسىنىڭ مويىنقۇم, شۋ اۋداندارى مەن مەرسين پروۆينتسياسىنىڭ گيۋلنار جانە سيليفكە اۋداندارى اراسىنداعى ساۋدا-ەكونوميكالىق بايلانىستى نىعايتۋ تۋرالى كەلىسىمدەرگە قول جەتكىزىلدى.
جامبىل وبلىسى
