حالىقتىڭ قارجىلىق قاۋىپسىزدىگىن قامتاماسىز ەتۋدى كوزدەيتىن ءىس-شارا اياسىندا اتالعان اگەنتتىككە قاراستى وبلىستىق ەكونوميكالىق تەرگەۋ دەپارتامەنتىنىڭ وكىلدەرى قوستانايداعى ءبىلىم-يننوۆاتسيا ليتسەيىنىڭ وقۋشىلارىمەن كەزدەستى. باسقوسۋدا قارجى مونيتورينگى سالاسىنىڭ ارداگەرى ءالىمجان قابيەۆ ەكونوميكالىق قىلمىسقا قارسى كۇرەس سالاسىنداعى مول تاجىريبەسىمەن ءبولىسىپ, تىكەلەي ءوزىنىڭ قاتىسۋىمەن اشكەرەلەنگەن قارجى
پيراميدالارىنىڭ قىلمىستىق ارەكەتى, ادامنىڭ سەنىمىنە كىرۋ ءۇشىن ءجيى پايدالاناتىن ءادىس-امالدارى تۋرالى اڭگىمەلەپ بەردى.
كەزدەسۋ بارىسىندا ەكونوميكالىق تەرگەۋ دەپارتامەنتىنىڭ مامانى اسەمگۇل بالجاقاەۆا «قارجى پيراميدالارى مەن دروپپەرلەرگە قارسى كۇرەس» تاقىرىبىندا ءدارىس وقىپ, اتالعان الاياقتىقتان ساقتانۋدىڭ قاعيدالارىن تالداپ, ءتۇسىندىرىپ بەردى.
ء«ىس-شارا كوپشىلىكتىڭ قارجىلىق ساۋاتىن ارتتىرۋمەن قاتار, جاستاردىڭ بويىندا قۇقىقتىق ەرەجەلەردى ساقتاۋ جاۋاپكەرشىلىگىن قالىپتاستىرۋدى كوزدەيدى. الاياقتار الەۋمەتتىك جەلىنى پايدالانۋشىلاردى كوبىنە جەڭىل تابىس كوزىمەن اربايدى. ولاردىڭ قۇرىعىنا ءتۇسىپ قالىپ جاتقانداردىڭ قاتارىندا جاسوسپىرىمدەر دە كوپ. بۇگىن وقۋشىلارمەن كەزدەسۋ بارىسىندا الاياقتاردىڭ سوزىنە سەنىپ, اداسىپ, شالىس باسقان جاستاردىڭ تاعدىرىنان ناقتى مىسالدار كەلتىرىپ, ساقتاندىرىپ جاتۋىمىزدىڭ سەبەبى دە وسى. بالالارعا تالاي ادامدى تاقىرعا وتىرعىزىپ كەتكەن ء«سھىاتاى» جوباسى تۋرالى ايتىپ بەردىك. وزدەرىن قىتايدىڭ فارماتسەۆتيكالىق كومپانياسى رەتىندە كورسەتكەن قارجى پيراميداسى الەۋمەتتىك جەلىدە وتىرعاندارعا فارماتسەۆتيكالىق زاۋىتتىڭ قۇرىلىسىنا, ءدارى-دارمەكتەر مەن مەديتسينالىق قۇرىلعىلار وندىرىسىنە ينۆەستيتسيا سالۋدى ۇسىنعان. مىسالى, 200 مىڭ تەڭگە سالساڭىز, جىلىنا 700 پايىزعا دەيىن تابىس تۇسىرەسىز دەپ سەندىرەدى. وسىلايشا, 3 ملرد تەڭگە قارجىسىن بەرگەن 2,5 مىڭنان اسا وتانداسىمىز ءبىر پيراميداعا الدانىپ قالىپ وتىر. قما جەدەل قىزمەتىنىڭ كۇشىمەن پيراميدانى ۇيىمداستىرۋشىلار اشكەرەلەنىپ, قىلمىستىق جاۋاپكەرشىلىككە تارتىلدى», دەيدى مامان.
ءىس-شارا بارىسىندا ليتسەي وقۋشىلارى ماماندارعا سۇراق قويىپ, قارجىلىق قاۋىپسىزدىك ماسەلەسىنە قاتىستى وي ءبىلدىرىپ وتىردى. بالالاردىڭ پىكىرىنشە, ينتەرنەتتەگى الاياقتاردان كەلەتىن قاۋىپتەن ساقتاندىراتىن مۇنداي كەزدەسۋلەر زەينەتتە وتىرعان قارت كىسىلەرگە دە قاجەت-اق.
قوستاناي وبلىسى
