قازاقستان مۇسىلماندارى ءدىني باسقارماسى قاسيەتتى رامازان ايىنا وراي @MuftyatBot Telegram-بوتىن ىسكە قوستى.
بوت جۇمىسىن رامازان ايىنا وراي وتكەن قازاقستان مۇسىلماندارى ءدىني باسقارماسىنىڭ تورالقا ماجىلىسىندە تسيفرلىق دامۋ ءبولىمىنىڭ مەڭگەرۋشىسى تيمۋر ورىنحان تانىستىرعان.
تيمۋر ورىنحاننىڭ ايتۋىنشا, Telegram قولدانۋشىلارى جاڭا بوت ارقىلى رامازان كەستەسىن جۇكتەپ, ءمۇفتيات رەسمي سايتىندا جاريالانعان اقپاراتتار مەن ماقالالاردى, سۇراق-جاۋاپ, ءپاتۋالاردى وقي الادى.
سونداي-اق بوت ارقىلى ءدىني سۇراقتارىن قويىپ, شاريعات جانە ءپاتۋا ماماندارىنان جاۋاپ الۋىنا مۇمكىندىك بار.
ورتاق پاتۋاعا سايكەس, قاسيەتتى رامازان ايى 1 ناۋرىزدا باستالادى. ال ناۋرىز ايىنىڭ 26-نان 27-نە قاراعان ءتۇن – قاسيەتتى قادىر ءتۇنى. 30 ناۋرىز – ورازا ايت مەرەكەسى.
بۇگىن باس ءمۇفتي ناۋرىزباي قاجى تاعان ۇلىنىڭ توراعالىعىمەن وتكەن قازاقستان مۇسىلماندارى ءدىني باسقارماسىنىڭ تورالقا ماجىلىسىندە ءپىتىر ساداقاسى ەلىمىز بويىنشا ەكى كەلى ۇننىڭ ورتاشا باعاسى نەگىزىندە 655 تەڭگە بولىپ بەكىتىلدى.
