فوتو: rawpixel
قايعىلى وقيعادان قازا بولعان كەنشىلەردىڭ جەكە باسى انىقتالىپ, اتى-ءجونى جاريالاندى:
1. قايرات اقشالوۆ, 49 جاستا. 3-رازريادتى ماشينيست, ءتورت بالانىڭ اكەسى. بالالارىنىڭ ۇلكەنى 19, كىشىسى 4 جاستا. ۇلىتاۋ اۋدانىندا تۇرعان.
2. ارداق جاقۇباەۆ , 26 جاستا. جەراستى ۋچاسكەسىنىڭ تاۋ-كەن شەبەرى, 2 جاستاعى بالاسى بار. ساتپاەۆ قالاسىندا تۇرعان.
3. باقىتبەك جۇمادوللاەۆ, 49 جاستا. 3-رازريادتى جەراستى تاۋ-كەن جۇمىسشىسى, 4 جاستاعى بالاسى بار. ساتپاەۆ قالاسىندا تۇرعان
4. ورىنبەك كەنجەبەكوۆ, 33 جاستا. جۇك تيەۋ-جەتكىزۋ ماشيناسىنىڭ ءماشينيسى. ەكى بالانىڭ اكەسى, كىشىسى 2 جاستا. جەزقازعان قالاسىندا تۇرعان.
5. عالىمجان مولدابەكوۆ, 46 جاستا. تەسپە بۇرعىلاۋشىنىڭ كومەكشىسى, ءتورت بالانىڭ اكەسى. جەزقازعان قالاسىندا تۇرعان.
6. ولجاس نۇرۋلداەۆ, 45 جاستا. جەراستى ۋچاسكەسىنىڭ ەنەرگەتيگى. بەس بالانىڭ اكەسى, ەڭ كىشىسى ءۇش جاستا. جەزقازعان قالاسىندا تۇرعان.
7. كونستانتين روجكوۆ, 32 جاستا. 3-رازريادتى جەراستى تاۋ-كەن قازۋ جابدىعىنىڭ ەلەكتر مامانى, مونتاجداۋشى. 1 بالانىڭ اكەسى. قاراعاندى قالاسىندا تۇرعان.
«قازاقمىس» كومپانياسى قازا بولعان جۇمىسشىلاردىڭ وتباسىنا جەرلەۋ راسىمدەرى ءۇشىن 2 ميلليون تەڭگە جانە جۇمىسكەردىڭ ورتاشا جىلدىق جالاقىسىنىڭ 10 ەسەلەنگەن مولشەرى بەرىلەتىنىن حابارلادى.
سونداي-اق اسىراۋشىسىنان ايىرىلۋ جاعدايىنا بايلانىستى اي سايىنعى تولەمدەر, بالالاردىڭ وقۋ اقىسىن تولەۋ, قازا تاپقان جۇمىسشىلاردىڭ نەسيە جانە قارىزدارىن جابۋ, سونداي-اق وتباسى مۇشەلەرىنىڭ ءوتىنىشى بويىنشا باسقا دا كومەك تۇرلەرى قاراستىرىلىپ وتىر.
